Դաշնակցությունը կդառնա իշխող կոալիցիայի մաս
Դաշնակցությունը «սկզբունքորեն» ընդունել է իշխող կոալիցիայի մաս կազմելու ՀՀԿ առաջարկը: Այս մասին «Ազատություն» ռադիոկայանին հայտնել է ՀՅԴ բյուրոյի ներկայացուցիչ Հրանտ Մարգարյանը՝ հաստատելով, որ այդ հարցի շուրջ երկու օր առաջ բանակցություններ են տեղի ունեցել հանրապետության նախագահ և իշխող կուսակցության ղեկավար Սերժ Սարգսյանի հետ: Մարգարյանն իր կուսկացության որոշումը բացատրել է նոր Սահմանադրությունն իրագործելու իրենց պատասխանատվությամբ: «Դաշնակցությունը մեծ պատասխանատվություն է վերցրել՝ համոզումով, հավատքով գնալով սահմանադրական փոփոխություններին: Եվ այսօր մենք չենք կարող պատասխանատվություն չկրել այդ առումով: Դրա համար մենք համաձայն ենք համագործակցության», - նշել է Հրանտ Մարգարյանը:
Մարգարյանի խոսքով՝ առայժմ դժվար է ասել, թե իշխանության հետ համագործակցությունն ինչ ձև կստանա, որովհետև դեռ գտնվում են «բանակցությունների նախնական փուլում»: «Եղել է առաջարկությունը, և մեզ համար սկզբունքորեն ընդունվել է, որ պետք է ունենանք համագործակցություն Սահմանադրությունը կյանքի վերածելու իմաստով: Բայց ուրիշ որևէ խոսակցություն առայժմ տեղի չի ունեցել»,- նշել է Մարգարյանը:
Հարկ է նշել, որ «Հրապարակ» թերթը, վկայակոչելով ՀՅԴ– ՀՀԿ բանակցություններից իրազեկ անձի, հայտնում է, որ բանակցությունները մեկնարկել են դեռ 2015 թվականի դեկտեմբերի 30-ին, հունվարի 8-ի կողմերը երկրորդ հանդիպումն է եղել, դրանից հետո՝ ևս 1-2-ը: «Նույնիսկ պահ է եղել, որ 99 տոկոսանոց որոշում են ընդունել, բայց ամեն անգամ ինչ-որ բան խանգարել է։ Բանն այն է, որ ՀՅԴ-ի պահանջներն ավելի մեծ են, քան նրանց առաջարկում են։ Նրանք երեք նախարարական, երեք մարզպետական պորտֆելների հավակնություն ունեն, ընդ որում՝ ազդեցության մեծ դաշտ ունեցող գերատեսչությունների, ինչպիսին տարածքային կառավարման նախարարությունն է», - գրում է թերթը:
Նշենք, որ լուրերը, որ Դաշնակցությունը կոլաիցիա կկազմի ՀՀԿ-ի հետ, շրջանառվում են այն օրվանից, երբ կուսակցությունը լքեց ընդդիմադիր քառյակը՝ պաշտպանելով նախագահ Սերժ Սարգսյանի նախաձեռնած սահմանադրական փոփոխությունները: Այդ ժամանակ արդեն պարզ էր, որ ՀՅԴ-ն որոշել է վերադառնալ 2009 թվականին Թուրքիայի հարցում Սերժ Սարգսյանի քաղաքականության պատճառով լքած իշխող կոալիցիա:
Կոլաիցիան 2009-ին լքելուց հետո Դաշնակցությունը շարունակաբար պնդում էր, որ իշխանության հետ համագործակցությունը հնարավոր է համարում այն դեպքում, երբ իրագործվեն իշխանություններին առաջադրված 7 կետանոց պահանջը, որոնք են՝ հայ-թուրքական արձանագրություններից Հայաստանի ստորագրության հետ կանչելը, 100 տոկոսանոց համամասնական ընտրակարգի անցումը, կառավարման խորհրդարանական համակարգը, ընդդիմությանը վերահսկողության լծակների տրամադրումը, բիզնեսի և քաղաքականության հստակ տարանջատումը, դատական իշխանության լիարժեք անկախությունը, Հայաստանի և ԼՂՀ միջև ռազմաքաղաքական դաշինքի կնքումը և Սոցիալ-տնտեսական քաղաքականությունը։ Այս պահանջներից որոշների, այդ թվում՝ գլխավոր պահանջի՝ հայ-թուրքական արձանագրությունների մասով կատարված չեն, ինչի պատճառով ՀՅԴ-ՀՀԿ բանակցությունները քննադատության են ենթարկվում։ Սակայն, ինչպես news.am-ի հետ զրույցում մանրամասնել է ՀՅԴ խմբակցության պատգամավոր Արծվիկ Մինասյանը, 7 կետերի զգալի հատվածն իրականացվել է, իսկ հայ-թուրքական արձանագրություններն օրակարգից հանելը կարելի է իրացում համարել, քանի որ արձանագրությունների վերակենդանանացման որևէ նախանշան չկա։ Պատգամավորի կարծիքով՝ չիրագործված կետերը կարելի է կայնքի կոչել իշխանությունների հետ համագործակցության միջոցով:
Հիշեցնենք, որ ՀՅԴ-ն իշխող կուսակցության հետ կոալիցիա է կազմել 3-րդ և 4-րդ գումարման Ազգային ժողովներում: Սակայն, 2007 թվականին ձևավորված կոալիցիան լքել է 2009-ին ստորագրված հայ-թուրքական արձանագրությունների պատճառով:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 30%
Քամի՝ 3,09 կմ/ժ