ԱՄՆ-ը ողջունում է փախստականների հարցով ԵՄ-Թուրքիա համաձայնագիրը

• 20.03.2016, 17:42
•  Եվրոպա,  Ամերիկա,  Աշխարհ

© AP Photo/ Luis M. Alvarez

Վաշինգտոնը հետաքրքրված է փախստականների աջակցությամբ և գոհ է Թուրքիայի և ԵՄ-ի միջև կնքված համաձայնագրից, հայտնում է РИА Новости-ն։

«ԱՄՆ-ը դիտարկում է համաձայնագիրը որպես կարևոր քայլ։ Մենք ողջունում ենք Թուրքիայի ջանքերը, որը մինչ այժմ ավելի քան 2,7 միլիոն փախստական է ընդունել Սիրիայից»,- հայտարարել է ԱՄՆ պետքարտուղարության ներկայացուցիչ Ջոն Քիրբին:

Նա նշել է, որ ԱՄՆ-ը գոհ է համաձայնագրի դրույթներից, որոնք սահմանում են, որ բոլոր փախստականներն արժանի են պաշտպանության։