Երկրաշարժ Հայաստանում. Ստեփանավանում այն զգացվել է 3-4 բալ ուժգնությամբ

• 24.03.2016, 09:29
•  Հայաստան,  No-politics

mes.am

Սույն թվականի մարտի 24-ին, տեղական ժամանակով ժամը 07.54-ին (Գրինվիչի ժամանակով` 03.54-ին) ՀՀ ՏԿԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել 2.5 մագնիտուդով երկրաշարժ:

Էպիկենտրոնի աշխարհագրական կոորդինատներն են` հյուսիսային լայնության 40.93⁰ և արևելյան երկայնության 44.39⁰:

Ինչպես տեղեկացնում է ՀՀ արտակարգ իրավիճակների նախարարությունը, երկրաշարժի օջախը գտնվել է երկրի մակերևույթից 10 կմ խորության վրա:

Ստորգետնյա ցնցման ուժգնությունն էպիկենտրոնում կազմել է 3-4 բալ:

Երկրաշարժը զգացվել է Ստեփանավան քաղաքում և մոտակա բնակավայրերում 3-4 բալ ուժգնությամբ: