ԵՐԵՎԱՆ 0 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Hurriyet. Ռուսական ինքնաթիռի խոցման օրը Թուրքիան պատրաստվում էր ցամաքային զորք մտցնել Սիրիա

youtube.com

Սելվիի ռուսական ռազմական ինքնաթիռի խոցման օրը` 2015-ի նոյեմբերի 24-ին, Թուրքիան պատրաստվում էր ցամաքային զորք մտցնել սիրիական սահմանային Ջերաբլուս քաղաք, սակայն ինքնաթիռի միջադեպից հետո ստիպված չեղյալ է հայտարարել այդ որոշումը: Այս մասին ասված է «Hurriyet» թերթի հայտնի հոդվածագիր, լրագրող Աբդուլքադիր Սելվինի հրապարակած հոդվածում, հաղորդում է Ermenihaber-ը:

Ըստ լրագրողի թուրքական կողմի` նախօրոք ԱՄՆ-ի հետ համաձայնեցրած Սիրիա մտնելու պլանը հետևյալն էր. Թուրքական ցամաքային զորքերը սիրիական զինված ընդդիմության հետ միասին գրոհով պետք է վերցնեին Ջերաբլուսը: ԱՄՆ-ն այդ գործողությանը պետք է օդային աջակցություն ցուցաբերեր: Իսկ Ջերաբլուսն «Իսլամական պետություն» ահաբեկչական կազմակերպության զինյալներից գրավելուց հետո Թուրքիան այնտեղ պետք է հիմներ անվտանգության գոտի:

Սելվին նշում է, որ գործողության մասին տեղեկացվել է նաև Ռուսաստանի նախագահ Վլադիմիր Պուտինը G-20 գագաթաժողովին մասնակցելու նպատակով Անթալիա կատարած այցի ընթացքում: «Մենք բարձրաձայն կքննադատենք այդ քայլը, սակայն շատ չենք կենտրոնանա դրա վրա»,- ըստ հոդվածագրի` ասել է Պուտինը:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան

    Խոնավություն՝ %
    Քամի՝ կմ/ժ
    0 C°
     
    0°  0° 
    23.11.2024
    0°  0° 
    24.11.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: