ԵՐԵՎԱՆ 28 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 522,8 դրամ ԱՐԾԱԹ - 283,15 դրամ ՊԼԱՏԻՆ - 12 789,74 դրամ

Ցեղասպանության ժխտումը քրեականացնող օրինագիծը Ֆրանսիայի Սենատում կքննարկվի հաջորդ շաբաթ

Eric Feferberg / AFP

Հայոց ցեղասպանության ժխտումը քրեականացնող օրինագիծը Ֆրանսիայի Սենատում կքննարկվի հաջորդ շաբաթ: Այս մասին «Արմենպրես»-ին տեղեկացրեց Ֆրանսիայի հայկական կազմակերպությունների համակարգող խորհրդի համանախագահ Մուրադ Փափազյանը: 

«Նախնական տվյալներով` նախատեսված է հոկտեմբերի 11-ը կամ 12-ը: Օրենքի նախագիծը բավական ծավալուն է, և Հայոց ցեղասպանության ժխտումը քրեականացնելու մասին դրույթն, ամենայն հավանականությամբ, կքննարկվի հաջորդ շաբաթվա սկզբին»,-ասաց Մուրադ Փափազյանը: 

Անդրադառնալով Հայոց ցեղասպանության ժխտումը քրեականացնելու մասին դրույթի վերաբերյալ պատգամավորների տրամադրվածությանը` Մուրադ Փափազյանը նշեց, որ միանշանակ դժվար է ասել: 

«Ամեն դեպքում պատգամավորների հետ հետևողական աշխատանք է տարվում, ակնկալում ենք հաջող ընթացք»,-ասաց Մուրադ Փափազյանը: Նա հույս հայտնեց, որ Սենատում կընդունվի նախագծի այն տարբերակը, որն անցել էր Ազգային ժողովում դեռ հունիսին: 

Ֆրանսիայի խորհրդարանի ստորին պալատի՝ Ազգային ժողովի պատգամավորները, հուլիսին միաձայն կողմ են քվեարկել «Հավասարություն և քաղաքացիություն» կոչվող օրինագծի փոփոխություններին, որով պատիժ է սահմանվում մարդկության դեմ գործած բոլոր հանցագործությունները, այդ թվում `Հայոց ցեղասպանությունը ժխտելու և հերքելու համար: 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 33%
Քամի՝ 13 կմ/ժ
28 C°
 
18°  31° 
06.07.2020
20°  33° 
07.07.2020
Հարցում

Համարո՞ւմ եք արդյոք Գագիկ Ծառուկյանի դեմ իրականացվող գործողությունները քաղաքական հետապնդում: