ԵՐԵՎԱՆ 16 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 18,664.15 դրամ ԱՐԾԱԹ - 220.02 դրամ ՊԼԱՏԻՆ - 12,672.33 դրամ

Ադրբեջանի ագրեսիվ քաղաքականության թիրախում համանախագահներն են

Դիմացինին մեղադրելով և սպառնալով սեփական բացերը և թերությունները քողարկելու ռազմավարությունը քաղաքականության մեջ շատ հաճախ կիրառվող տեխնիկաներից է: Սրա դրսևորումներին մենք բազմիցս ականատես ենք եղել ադրբեջանական կողմի վարած քաղաքականության մեջ:

Բանակցային ողջ գործընթացում ադրբեջանական կողմը տարիներ շարունակ ոչ միայն հավատարիմ է մնացել իր այս քաղաքականությանը, այլև տարեցտարի զարգացրել է այն: Եթե նախկինում ադրբեջանական կողմը մեղադրում, վարկաբեկում և սպառնում էր միայն հայկական կողմերին, ապա այսօր Ադրբեջանի նման քաղաքականության թիրախ են դարձել նաև միջազգային հանրությունը և առաջին հերթին Մինսկի խմբի համանախագահող երկրները: Ասվածն ավելի լավ պատկերացնելու համար բավարար է միայն աչքի անցկացնել Ադրբեջանի նախագահի՝ վերջին մի քանի տարիներին թեմայի շուրջ ունեցած ելույթները:

Դրա վերջին վառ օրինակ էր նախորդ շաբաթ կառավարության հետ հանդիպման ժամանակ Ադրբեջանի նախագահ Իլհամ Ալիևի համանախագահներին և մասնավորապես ԱՄՆ-ին ուղղված ելույթը: Ելույթում վերջինս այնքան հեռուն գնաց, որ խախտելով բոլոր դիվանագիտական նորմերը՝ ԱՄՆ-ին բացահայտ մեղադրեց հովանավորչության մեջ:

Եթե փորձենք վերլուծել և հասկանալ ադրբեջանական կողմի նման պահվածքի դրդապատճառները, ապա դրանց շարքում, թերևս, նախևառաջ պետք է խոսենք միջնորդների, այս դեպքում մասնավորապես ԱՄՆ-ի՝ այս տարիների ընթացում Ադրբեջանի հանդեպ շարունակ վարած ամենաթողության քաղաքականության մասին: Միջնորդների նման քաղաքականությունը հասավ իր գագաթնակետին ապրիլյան պատերազմի ժամանակ, երբ համանախագահները «աչք փակեցին» և համարժեք չարձագանքեցին անգամ ադրբեջանական կողմի բացահայտ ագրեսիվ ռազմական գործողություններին:

Ադրբեջանի նման պահվածքի և այդ պահվածքին միջնորդների տված նման ոչ ադեկվատ արձագանքի դեպքում անհնար է ադրբեջանական կողմից որևէ կառուցողական դիրքորոշում ակնկալել բանակցային սեղանին: Սա փաստ է, որ միջնորդները պետք է վաղ թե ուշ գիտակցեն և համապատասխան քայլեր ձեռնարկեն: Հակառակ դեպքում ադրբեջանական կողմի՝ արդեն միջնորդներին ուղղված նման պահվածքը, եթե նախկինում միայն զարմանք էր առաջացնում, այսօր արդեն սկսում է մի շարք հարցերի տեղիք տալ այդ նույն միջնորդների կոմպետենտ լինելու մասին:

ԱՄՆ-ն առնվազն պետք է վերլուծի, թե ինչպես է թույլ տվել Ալիևին նման տոնայնությամբ խոսել իր հետ:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 65%
Քամի՝ 17.70 կմ/ժ
16 C°
 
15°  24° 
22.09.2018
14°  25° 
23.09.2018
Հարցում

Ձեր կարծիքով՝ Ադրբեջանը կդառնա՞ ՀԱՊԿ անդամ: