ԵՐԵՎԱՆ 5 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Արցախում սահմանադրական հանրաքվեն ընթանում է բնականոն հունով, խախտումներ չեն արձանագրվել. փաստում են «կողմ» և «դեմ» քաղաքական ուժերը

times.am

Արցախի Հանրապետությունում այսօր անցկացվող սահմանադրական հանրաքվեն ընթանում է բնականոն հունով, առանց միջադեպերի և խախտումների, փաստում են Սահմանադրական փոփոխությունների կողմ և դեմ քաղաքական ուժերի ներկայացուցիչները:

«Հանրաքվեն ընթանում է առանց միջադեպերի, հանգիստ: Ժողովրդի տրամադրությունը բարձր է, քանի որ այսօր տոն է՝ 1988 թվականին որոշվեց Ղարաբաղը վերամիավորել Հայաստանի հետ», - «Արմեդիա» ՏՎԳ-ի հետ զրույցում նշել է «Այո»-ի շտաբի ներկայացուցիչ ԱԺ պատգամավոր Գագիկ Պետրոսյանը՝ հավելելով, որ այս պահի դրությամբ մասնակցությունը նորմալ է:

Հանրաքվեի ընթացքից գոհ է նաև ընդդիմադիր ՀՅԴ պատգամավոր, «Ոչ»-ի շտաբի ներկայացուցիչ Վահրամ Բալայանը: «Մենք շրջում էինք Ասկերանի շրջանում: Միաժամանակ նաև առաջնագիծ գնացինք, տեսնենք՝ ինչպես է զինվորների տրամադրությունը. այսօր փետրվարի 20-ն է՝ Արցախի վերածնունդի օրը, 1988 թվականի փետրվարի 20-ին ընդունվեց հայտնի որոշումը Խորհրդային Հայաստանին միանալու հետ կապված:

Ինչ վերաբերում է սահմանադրական փոփոխությունների հանրաքվեի ընթացքին, նշեմ, որ այն ընթանում է նորմալ, առանձին խնդիրներ չկան: Ասկերանում միաժամանակ սահմանադրական հանրաքվեին զուգահեռ մեծամասնական կարգով անց է կացվում Ազգային ժողովի պատգամավորի ընտրություն՝ մեկ թափուր տեղ ունենք: Խախտումներ չեն արձանագրվել», - նշել է Բալայանը:

Ինչ վերաբերում է հանրաքվեին մասնակցության մակարդակին, պատգամավորը նշեց, որ առավոտյան ժամը 9-ին մոտ մի քիչ պասիվություն կար Ստեփանակերտում: «Բայց դա հասկանալի է: Շրջանում ավելի ակտիվ է, Ասկերանի շրջկենտրոնում նույնիսկ հերթ էր», - արձանագրեց Բալայանը:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 52%
    Քամի՝ 3,6 կմ/ժ
    5 C°
     
    20°   
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: