ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ՀՀ նախագահի՝ Բրյուսել կատարած այցի հիմնական ուղերձը «և-և»-ի քաղաքականության արդյունավետ կիրառումն էր. Աննա Կարապետյան

ՀՀ-ԵՄ նոր շրջանակային համաձայնագիրը Հայաստանի կողմից հայտարարված «և՛-և՛»-ի քաղաքականության արդյունավետ կիրառման առաջին հանգրվանն է: Այս մասին «Նովոստի-Արմենիա» մամուլի ակումբում այսօր տեղի ունեցած ասուլիսի ժամանակ ասել է «Հայացք» կիրառական քաղաքականության և հետազոտությունների վերլուծական կենտրոնի փորձագետ Աննա Կարապետյանը:

«Այս համաձայնագիրը ցույց է տալիս, որ մենք կարողանում ենք արդյունավետ կերպով համադրել մեր անդամակցությունը ԵԱՏՄ-ին և համագործակցությունը ԵՄ-ի հետ: Ինչպես իր ելույթներից մեկում նշեց ՀՀ նախագահ Սերժ Սարգսյանը, Հայաստանը երբեք իր առաջ քաղաքակրթական ընտրություն կատարելու խնդիր չի դրել, և պատրաստ է իր ներդրումն ունենալ նաև ԵԱՏՄ-ԵՄ համագործակցության սերտացման գործընթացում: Այսինքն՝ մենք կարևորում ենք մեր համագործակցությունը երկու ուղղությունների հետ և մեր հետագա քաղաքականությունը կառուցելու ենք հենց այս սկզբունքով», - նշեց փորձագետը:

«ԵՄ-ի հետ մեր հարաբերությունները հիմնված են միևնույն արժեքային հենքի վրա, և այս մասին ևս բազմիցս խոսվեց ՀՀ նախագահի՝ Բրյուսել կատարած այցի ընթացքում: Սերժ Սարգսյանն ընդգծեց, որ Հայաստանը մտադիր է շարունակել բարեփոխումները՝ շնորհակալություն հայտնելով ԵՄ-ին այս հարցում ցուցաբերվող աջակցության համար: Հատկապես մեծ անդրադարձ կատարվեց սահմանադրական բարեփոխումներին և սպասվող խորհրդարանական ընտրություններին, հատուկ ընդգծվեց ԵՄ բացառիկ աջակցությունն այս ողջ գործընթացում»:

Փորձագետի խոսքով ՀՀ նախագահի՝ Բրյուսել կատարած այցի հիմնական ուղերձը «և՛-և՛»-ի քաղաքականության արդյունավետ կիրառումն էր:  «Եվրոպական կողմից հնչող հայտարարությունները վկայում են այն մասին, որ ԵՄ-ն կարևորում է Հայաստանի հետ համագործակցությունը և Հայաստանի հետ արդյունավետ հարաբերություններ զարգացնելու մտադրություն ունի»:

Կարապետյանի խոսքով՝ այն փաստը, որ մենք բանակցել և ավարտել ենք ՀՀ-ԵՄ նոր համաձայնագիրը, վկայում է նաև այն մասին, որ անհիմն էին այն միտումները, երբ ԱլԳ երկրներին փորձում էին բաժանել Ասոցացման համաձայնագիրը ստորագրած և չստորագրած երկրների, և վերջիններիս դասել հետնապահի շարքերը:  «Հայաստանը չի կարող Բելառուսի և Ադրբեջանի հետ նույն խմբում դիտվել, քանի այսօր արդեն մենք ավարտել են բանակցությունները նոր համաձայնագրի շուրջ և պատրաստվում ենք ստորագրել այն», - հավելեց փորձագետը:

Խոսելով ՆԱՏՕ-ի հետ Հայաստանի հարաբերությունների մասին՝ Կարապետյանը նշեց, որ ՀՀ նախագահի՝ Բրյուսել կատարած այցի ընթացքում մեծ կարևորություն տրվեց ՀՀ-ՆԱՏՕ հարաբերություններին: «Գիտակցելով անվտանգության և կայունության կարևորությունը՝ Հայաստանը փորձում է անվտանգություն սպառող երկրից վերածվել անվտանգություն արտահանող երկրի: Հայաստանի ներգրավվածությունը ՆԱՏՕ-ի խաղաղապահ առաքելություններում հենց այս մասին է վկայում»: 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 26%
    Քամի՝ 0,51 կմ/ժ
    14 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: