Անկախ ընտրությունների արդյունքներից՝ Հայաստանի նկատմամբ Իրանի քաղաքականությունը չի փոխվի. իրանագետ (ԲԱՑԱՌԻԿ)
Իրանում մայիսի 19-ին կայանալիք ընտրությունների նախօրեին Ձեր ուշադրությանն ենք ներկայացնում «Արմեդիա» ՏՎԳ հարցազրույցն իրանագետ Արմեն Իսրայելյանի հետ։
- Այս ընտրությունները նախորդներից ինչո՞վ են տարբերվում:
2017 թ. նախագահական ընտրությունների առանձնահատկությունն այն է, որ դրանք տեղի են ունենում Իրանի և «5+1 խմբի» միջև կնքված միջուկային համաձայնությունից հետո: Մի խնդիր, որը նախորդ տասնամյակում Իրանի արտաքին քաղաքականության օրակարգային հարցերից մեկն էր և իր ուղղակի ազդեցությունն էր ունենում երկրի ներքին և արտաքին քաղաքականության վրա:
Հետևաբար, միջուկային համաձայնությունից հետո չափազանց մեծ են Իրանի հասարակության սպասելիքները, քանի որ տարիներ շարունակ Իրանը գտնվում էր տնտեսական պատժամիջոցների ճնշման ներքո: Ուստի, միանգամայն հասկանալի է, որ քարոզարշավի առանցքային թեմաներից մեկը վերաբերում էր միջուկային համաձայնությանը ու դրա՝ Իրանի ներքին և արտաքին քաղաքականության վրա ունեցած դրական և բացասական ազդեցությանը:
Բնականաբար, գործող բարեփոխական նախագահ Հասան Ռոհանին միջուկային համաձայնությունը ներկայացնում է որպես կարևոր ձեռքբերում, իսկ նրա ընդդիմախոսները՝ պահպանողական թեկնածուներ Էբրահիմ Ռայիսին և Մոհամմադ Բաղեր Ղալիբաֆը՝ կասկածի տակ են դնում դրա արդյունավետությունը:
Այս ընտրությունների առանձնահատկությունն էր նաև այն, որ քարոզարշավն ակտիվորեն լուսաբանվում էր նաև սոցիալական ցանցերի տիրույթում, և թեկնածուները տարբեր միջոցներով ներկայացնում էին իրենց առավելությունը՝ մատնանշելով հակառակորդի թերությունները:
- Ինչպիսի՞ն են հանրային տրամադրություններն ընտրությունների նախաշեմին: Նախընտրական քարոզարշավը և դեբատներն էական ազդեցություն ունեցա՞ն ընտրողների կողմնորոշման վրա:
- Նախօրեին, երբ գործող նախագահի հիմնական մրցակիցներից մեկը՝ Թեհրանի քաղաքապետ Մոհամմադ Բաղեր Ղալիբաֆը հօգուտ պահպանողական մյուս թեկնածու Էբրահիմ Ռայիսիի հրաժարվեց մրցապայքարից, ընտրողների շրջանում որոշակի հստակություն առաջացավ, այսինքն՝ այն ընտրողները, որոնք հակված էին ձայն տալու պահպանողականներին, արդեն հստակ գիտեն, որ պահպանողականները միավորվել են մեկ միասնական թեկնածուի՝ Էբրահիմ Ռայիսիի շուրջը:
Ինչ վերաբերում է դեբատներին, ապա անցկացված երեք հեռուստաբանավեճերը, կարծում եմ, որ էական ազդեցություն չեն ունեցել ընտրողների կողմնորոշման վրա:
Սոցիոլոգիական վերջին հարցումներից մեկի համաձայն՝ այն հարցին, որ եթե միայն ընտրապայքարում մնան Հասան Ռոհանին և Էբրահիմ Ռայիսին, ո՞ր թեկնածուին ձայն կտան, գործող նախագահի օգտին պատրաստ են քվեարկել ընտրողների 48, իսկ պահպանողական թեկնածու Էբրահիմ Ռայիսիի օգտին՝ 39 տոկոսը:
- Նախընտրական քարոզարշավի ժամանակ թեկնածուներն անդրադարձե՞լ են հայկական համայնքին կամ Հայաստանին առնչվող հարցերին:
- Քարոզարշավի ընթացքում թեկնածուներն արտաքին քաղաքականությանն անդրադարձել են միջուկային համաձայնության համատեքստում: Բացի այդ՝ հոգևոր առաջնորդ Ալի Խամենեին էլ թեկնածուներին կոչ է արել չենթարկվել Միացյալ Նահանգների՝ ավելին ստանալու պահանջներին ու ամուր կանգնել Իսրայելի դեմ:
Ինչ վերաբերում է հայ համայնքին, ապա գործող նախագահ Հասան Ռոհանին երկրորդ հեռուստաբանավեճի ընթացքում անդրադարձավ կրոնական փոքրամասնությունների (որոնց թվում են նաև հայերը) ու էթնիկ խմբերի իրավունքներին: Իրանահայ համայնքն էլ իր հերթին ազատ է իր ընտրության մեջ, և որևէ թեկնածուի նկատմամբ հստակ կողմնորոշում չունի:
Անդրադառնալով Հայաստանի հետ հարաբերությունների հեռանկարին՝ կարող ենք նշել, որ թեկնածուներից որևէ մեկի հաղթանակի դեպքում, մեծ հաշվով, Հայաստանի նկատմամբ Իրանի արտաքին քաղաքականության առաջնահերթությունները չեն փոխվի:
այլ նյութեր այս թեմայով
- Պուտինը և Ռաիսին քննարկել են Լեռնային Ղարաբաղի շուրջ ստեղծված իրավիճակը Պուտինը տեղեկացրել է ռուսական խաղաղապահ կոնտինգենտի գործունեության, այդ թվում՝ խաղաղ բնակչությանը մարդասիրական...
- Անհրաժեշտ է հարգել տարածաշրջանում հայերի իրավունքները. Ռաիսի Ինչ վերաբերում է տարածաշրջանում տեղի ունեցող իրադարձություններին։ Մենք շեշտում ենք, որ հայերի իրավունքները պետք...
- Տարածաշրջանի երկրների միջազգային սահմանների պահպանումը կարմիր գիծ է. Իրանի ՊՆ «Տարածաշրջանի երկրների տարածքային ամբողջականության և միջազգային սահմանների պահպանումը կարմիր գիծ է Իրանի Իսլամական...
- Իրանը չեղարկել է բոլոր չվերթները դեպի Հայաստան և Ադրբեջան Տարածաշրջանում հատուկ պայմաններից ելնելով և ավիացիոն կազմակերպության NOTAM-ի (օդաչուներին ուղղված ծանուցման հապավումը)...
- Իրանը Ղարաբաղը դիտարկում է որպես Ադրբեջանի մաս, սակայն տարաձայնությունները պետք է լուծվեն երկխոսության միջոցով. Իրանի ԱԳ նախարար Նա գրառումն արել է Նյու Յորքում ՀՀ ԱԳ նախարար Արարատ Միրզոյանի հետ հանդիպումից հետո:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 72%
Քամի՝ 1,54 կմ/ժ