ԵՐԵՎԱՆ 22 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ղարաբաղ այցելած Թուրքիայի ներկայացուցիչների անունները հայտնվել են Ադրբեջանի ԱԳՆ «սև ցուցակում»

NEWS.am

Լեռնային Ղարաբաղ այցելած թուրք հասարակական-քաղաքական և մշակութային գործիչների պատվիրակության անդամների անունները հայտնվել են Ադրբեջանի ԱԳՆ «սև ցուցակում»: News.am-ի հաղորդմամբ, Ադրբեջանի ԱԳՆ պաշտոնական ներկայացուցիչ Հիքմեթ Հաջիևը հայտնել է, որ «սա որոշ թուրք քաղաքացիների անձնական սադրիչ ակցիա էր՝ Թուրքիայի հայկական լոբբիի հովանավորությամբ, և նրանք բոլորն արդեն մտցվել են ԱԳՆ «սև ցուցակի» մեջ: Իսկ Թուրքիայի ԱԳՆ-ից հայտնել են, որ թուրք քաղաքացիների Ղարաբաղ այցի կապակցությամբ արդեն քննություն է սկսվել:

Ղարաբաղ այցելած պատվիրակության ղեկավար, «Անկարայի մտածողության հարթակ» հասարակական կազմակերպության նախագահ, խորհրդարանի նախկին պատգամավոր Ուֆուք Ուրազն իր հերթն հայտարարել է, որ մինչև Երևան այցելելն ինքը զանգահարել է Բաքվում Թուրքիայի դեսպանատուն և զգուշացրել, որ մտադիր է Ղարաբաղ այցելել: «Կոնկրետ պատասխան չստանալով՝ ես Ղարաբաղ ուղևորվեցի», - պարզաբանել է Ուրազը: Թուրք գործիչը նշել է. «Եվս մեկ անգամ համոզվեցի, որ և՛ մենք, և՛ ադրբեջանցիները, և՛ հայերը երկխոսության պակաս ունենք, մենք պետք է մշտապես շփվենք, որ ինչ-որ եզրակացության գանք»: Ինչ վերաբերում է ղարաբաղյան հիմնախնդրի վերաբերյալ Թուրքիայի դիրքորոշմանը, ապա նա կարծում է, որ ավելի լավ է այս հակամարտությանը չմիջամտեն ո՛չ Անկարան, ո՛չ որևէ այլ երկիր, քանի որ, նրա համոզմամբ, «ադրբեջանցիները և հայերն ընդհանուր լեզու կգտնեն»:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 35%
    Քամի՝ 2,06 կմ/ժ
    22 C°
     
    34°  21° 
    16.06.2024
    32°  19° 
    17.06.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: