ԵՐԵՎԱՆ 16 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 18,664.15 դրամ ԱՐԾԱԹ - 220.02 դրամ ՊԼԱՏԻՆ - 12,672.33 դրամ

Ինչո՞ւ է Իսրայելում կրկին ակտիվացել Հայոց ցեղասպանության ճանաչման թեման

hayastannews.com

Վերջին շրջանում Իսրայելում կրկին ակտիվացել է Հայոց ցեղասպանության ճանաչման թեման: Այսպես, Հրեա ուսանողների համաշխարհային միությունը Իսրայելում դեկտեմբերի 28-ից հունվարի 1-ը անցկացված Համաշխարհային 44-րդ կոնգրեսի ընթացքում ճանաչել է Հայոց ցեղասպանությունը: Նշվում է, որ սա կարևոր քայլ է միության համար և հանդիսանում է ռասիզմի բոլոր դրսևորումների դեմ միության տարած պայքարի ևս մի օրինակ:

Դեկտեմբերին իսրայելցի փաստաբան Էիթայ Մաքը և Հայոց ցեղասպանությունը ճանաչած գիտնական Յաիր Աուրոնն երկրի արտաքին գործերի նախարարությունից պահանջել էին տվյալներ տրամադրել Հայոց ցեղասպանությունը չճանաչելու հարցում Թուրքիայի և Ադրբեջանի հետ առկա հնարավոր համաձայնությունների վերաբերյալ:

Նշենք, որ Իսրայելը պարբերաբար Հայոց ցեղասպանության թեման օգտագործում է Թուրքիայից զիջումներ ստանալու համար: Իսրայելում թեմայի հերթական բարձրաձայնման պատճառը թերևս ԱՄՆ-ի կողմից Երուսաղեմն Իսրայելի մայրաքաղաք ճանաչելու դեմ Անկարայի ձեռնարկած քայլերն են: Թուրքիան ավելի բացասաբար է ընդունել այս փաստը, քան շատ արաբական երկրներ, և ստանձնել է այս հարցում պաղեստինցիների իրավունքների պաշտպանի դերը, ինչը բնականաբար դուր չի գալիս Թել-Ավիվին: Հայոց ցեղասպանությունը ճանաչելու թեման ոչ պաշտոնական մակարդակով Իսրայելում ակտուալացնելով՝ Թել-Ավիվն Անկարային փորձում է զգուշացնել պաղեստինցիների իրավունքների պաշտպանության հարցում չհատել կարմիր գծերը: Անկարայի կողմից այս զգուշացումը հաշվի չառնելու դեպքում ճնշումն ավելի խստացնելու նպատակով չի բացառվում, որ հարցը բարձրացվի նաև պաշտոնական մակարդակով, սակայն չարժե ակնկալել Իսրայելի կողմից Հայոց ցեղասպանության ճանաչում:

Նշենք, որ Հայոց ցեղասպանությունը ճանաչող բանաձևը ներկայացվել է իսրայելական խորհրդարանի տարբեր հանձնաժողովների քննարկմանն արդեն 9 անգամ: Միայն վեց անգամ ուղարկվել է արտաքին հարաբերութունների և անվտանգության հանձնաժողով, սակայն երբեք չի քննարկվել, երեք անգամ էլ ուղարկվել է Կրթության գիտության և մշակույթի հանձնաժողով: 2016 թվականի օգոստոսին  վերջինս ճանաչեց Հայոց ցեղասպանությունը, սակայն Իսրայելի ԱԳՆ մամուլի խոսնակ Էմանուել Նախշոնը շտապեց հայտարարել, որ հանձնաժողովի գնահատականը չի համընկնում Իսրայել պետության պաշտոնական դիրքորոշման հետ: «Իսրայելը համաձայն չէ 1915 թվականի դեպքերի վերաբերյալ հայերի պնդումների հետ, և դա երբեք չի փոխվի», - հայտարարել էր Նախշոնը:

 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 65%
Քամի՝ 17.70 կմ/ժ
16 C°
 
15°  24° 
22.09.2018
14°  25° 
23.09.2018
Հարցում

Ձեր կարծիքով՝ Ադրբեջանը կդառնա՞ ՀԱՊԿ անդամ: