Հայոց բանակը ծնվել է ազատության համար անհավասար պայքարում․ Բակո Սահակյանի շնորհավորական ուղերձը

• 28.01.2018, 10:38
•  ԼՂՀ

Արցախի Հանրապետության Նախագահ Բակո Սահակյանը Բանակի օրվա կապակցությամբ շնորհավորական ուղերձ է հղել Հայաստանի Հանրապետության Նախագահ Սերժ Սարգսյանին:

Ուղերձում ասված է.

«Մեծարգո՛ Սերժ Ազատի,

Արցախի ժողովրդի, իշխանությունների և անձամբ իմ անունից ի սրտե շնորհավորում եմ Ձեզ Բանակի օրվա առթիվ:

Հայոց փառապանծ բանակը ծնվել ու կոփվել է ազատության ու անկախության համար մղված անհավասար պայքարում, մեր քաջ տղաների խիզախության ու անձնազոհության շնորհիվ կերտել է նվիրական հաղթանակներ և փոխել պատմության ընթացքը:

Այսօր էլ հայ զինվորը անսասան կանգնած է հայրենիքի պաշտպանության դիրքերում՝ շարունակելով հերոս պապերի ու հայրերի մարտական ավանդույթները և գործելով նոր սխրանքներ:

Բանակը թանկ է յուրաքանչյուր հայի համար:

Հարգարժա՛ ն Սերժ Ազատի,

Այս տոնական օրը մեկ անգամ ևս շնորհավորում եմ Ձեզ ու մեր ողջ ժողովրդին և մաղթում խաղաղություն, բարօրություն, նոր հաղթանակներ ու ձեռքբերումներ»: