ԵՐԵՎԱՆ 6 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 464,42 դրամ ԱՐԾԱԹ - 257,92 դրամ ՊԼԱՏԻՆ - 13 624,56 դրամ

BBC-ն ներկայացրել է վեց ուշագրավ փաստ, որը պետք է իմանալ Հայաստանի մասին

BBC

BBC-ն ընթերցողներին է ներկայացրել վեց հետաքրքիր փաստ Հայաստանի մասին: Այսպես՝

  1. Հայաստանից դուրս ապրող հայերն ավելի շատ են, քան պետության ներսում բնակվողները 

Ինչպես հաղորդում է «Արմենպրես»-ը, լրատվամիջոցը նկատել է, որ ե րկրի բնակչությունը մոտ երեք միլիոն է, սակայն մի քանի միլիոնն էլ բնակվում է արտասահմանում: «Մեծ համայնքներ կան Միացյալ Նահանգներում, Ռուսաստանում և Ֆրանսիայում»,- գրում է BBC-ն՝ ավելացնելով, որ հայերը վերջերս գնում են Ռուսաստան, քանի որ այն մոտ է և նրանք խոսում են ռուսերեն:

  1. Արարատ լեռը համարվում է ազգային խորհրդանիշ

«Անգամ երբ այն գտնվում է Թուրքիայում... ձյունածածկ գագաթ ունեցող լեռը երևում է Հայաստանի մայրաքաղաք Երևանի հորիզոնում, Աստվածաշնչում այն նշվում է որպես մի վայր, որտեղ ջրհեղեղից հետո կանգ առավ Նոյի տապանը»,- գրում է լրատվամիջոցը:

  1. Այն աշխարհի ամենավաղ քրիստոնեական քաղաքակրթություններից է

Հայաստանն առաջին երկիրն է, որ 4-րդ դարի սկզբին պաշտոնապես ընդունել է քրիստոնեությունը որպես կրոն, և որ հայկական եկեղեցին բացարձակապես ինքնավար է աշխարհի մյուս քրիստոնեական եկեղեցիներից:

  1. Շախմատի ուսուցումը պարտադիր է

2011 թվականից Հայաստանում երեխաները պարտադիր ունեն շախմատի դասեր: Երկիրը ծնունդ է տվել շատ գրոսմայստերների և ներկայում այն դպրոցներում ունի որակավորում ունեցող ավելի քան 3000 շախմատի ուսուցիչներ:

  1. Այն հպարտանում է իր կոնյակով

Բրիտանական լրատվամիջոցը գրում է, որ Երկրորդ աշխարհամարտի ժամանակ Խորհրդային Միության առաջնորդ Իոսիֆ Ստալինը Մեծ Բրիտանիայի վարչապետ Ուինսթոն Չերչիլին որպես նվեր մի քանի տասնյակ անգամ հայկական կոնյակ է ուղարկել: Շատ տարիներ անց՝ 2013 թվականին, Ռուասաստանի նախագահ Վլադիմիր Պուտինը Բրիտանիայի վարչապետ Դեյվիդ Քեմերոնին տվեց հայկական կոնյակի մի շիշ՝ վերհիշելով այդ պատմությունը:

  1. Շատ հայտնի մարդիկ ունեն հայկական արմատներ

Լրատվամիջոցը նրանց շարքում հիշատակում է հայտնի ֆրանսահայ երաժիշտ Շառլ Ազնավուրին, գրոսմայստեր Գարի Կասպարովին, երգիչ Շերին և ռեալիթի-շոուների աստղ Քիմ Քարդաշյանին:


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 55%
Քամի՝ 4 կմ/ժ
6 C°
 
  12° 
13.11.2019
  12° 
14.11.2019
Հարցում

Կո՞ղմ եք ՀՀ վարչապետի առաջարկած բանաձևին, ըստ որի՝ Ղարաբաղյան հակամարտության կարգավորման սցենարը պետք է ընդունելի լինի բոլոր երեք կողմերի համար։