Սահակաշվիլին ցանկանում է ուղղել իր սխալները Վրաստանում

• 14.05.2018, 13:03
•  Տարածաշրջան,  Աշխարհ

EPA / UPG

Վրաստանի նախկին նախագահ Միխեիլ Սաակաշվիլին կարծում է, որ Թբիլիսիում թմրանյութերի քաղաքականության ազատականացման համար երիտասարդության երկօրյա բողոքի ակցիայի պատճառը ավելի խորքային կործանարար գործընթացներն է, որոնք առաջացաել են միլիարդատեր Բիձինա Իվանիշվիլիի ոչ պաշտոնական կառավարման հետևանքով։

«Այսօր Վրաստանում աղետալի գործազրկություն է, հատկապես երիտասարդության շրջանում, մի շարք սոցիալական այլ խնդիրներ, որոնք չեն լուծվում օլիգարխ Իվանիշվիլիի ոչ պաշտոնական կառավարման պայմաններում»,-նշել է Սաակաշվիլին «Ռուսթավի 2» հեռուստաալիքի եթերում։

Սահակաշվիլին նաև խոստովանել է, որ երկրում իշխանափոխությունը, որի հետևանքով իշխանության է եկել միլիարդատեր Իվանիշվիլին, տեղի է ունեցել այդ թվում նաև իր անձնական սխալների պատճառով։

«Ասեմ ավելին, հենց այդ սխալների պատճառով ես մտադիր եմ Վրաստան վերադառնալ և ուղղել դրանք։ Իմ կառավարման շրջանում Վրաստանը զարգացել է և պետական պաշտոնների մեծ մասը երիտասարդներն էին զբաղեցնում, բայց, իհարկե նաև սխալներ են եղել», - նշել է Սաակաշվիլին։