ԵՐԵՎԱՆ 17 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 18 588,75 դրամ ԱՐԾԱԹ - 233,49 դրամ ՊԼԱՏԻՆ - 12 516,74 դրամ

Վրաստան գնալը կհեշտանա. Մեկնարկել են ճանապարհի վերանորոգման աշխատանքները

Ոսկեպար–Նոյեմբերյան միջպետական ճանապարհը գրեթե անճանաչելի է, արևի տակ պսպղում է հենց նոր լցված ասֆալտբետոնային ծածկույթը։ Աշխատողներն անընդհատ կանգնեցնում են մեքենաները, բայց ոչ երկար։

Ամենակարևոր միջպետական մայրուղիներից մեկի հատվածը վերականգնելու աշխատանքը սկսվել է երկու ամիս առաջ։ Շատերը Հայաստանում կապել են այդ իրադարձությունը Նիկոլ Փաշինյանի պաշտոնավարման հետ։ Լուրեր են պտտվել, որ վարչապետն արագ կարգադրություն է տվել ճանապարհի շինարարության մասին։ Սովորական քաղաքացիների այդ վարկածը նախարարությունում հերքեցին։

«Ճանապարհների շինարարության կամ վերակառուցման մասին հարցը չի լուծվում մի օրում։ Շինարարական աշխատանքները ծրագրվել են դեռ անցյալ տարի», –  Sputnik Արմենիային է հայտնել Հայաստանի տրանսպորտի, կապի և տեղեկատվական տեխնոլոգիաների նախարարության մամուլի քարտուղար Անահիտ Առաքելյանը։

Աշխատանքները սկսվել են միջպետական ճանապարհի երեք առանձին հատվածներում, դրանց ընդհանուր երկարությունը 18,3 կմ է։ Մի տեղում դեռ հիմք են դնում, մյուս հատվածում` վնասված ճանապարհածածկը վերականգնում են սառը վերամշակման օգնությամբ։

Հարթ ճանապարհի համար ամենից շատ ուրախ են ընկերությունների վարորդները, որոնք կանոնավոր ուղևորափոխադրումներ են կատարում Երևանից Թբիլիսի և հակառակ ուղղությամբ։


Այն իրավիճակում, երբ Վանաձոր–Ալավերդի–Վրաստանի սահման մայրուղու երթևեկությունը սահմանափակ է սողանցքից հետո, որը տեղի է ունեցել այս տարվա հունիսին, Ալավերդու ճանապարհահատվածը վերանորոգվում է, դեպի Վրաստան առավել հարմար ուղին անցնում է հենց Գեղարքունիքի և Տավուշի մարզերով։

«Վրաստան կարելի է գնալ նաև Ապարանի կողմով, բայց ճանապարհը երկարում է այն պատճառով, որ Ալավերդու հատվածը ժամանակավորապես փակ է և պետք է շրջանցել Ստեփանավանով և Օձունով», –  ասել է ուղևորափոխադրումներով զբաղվող ընկերության տնօրեն Միքայելը։

Այսպես հա՛մ վառելիքի ծախսն է ավելանում, հա՛մ ուղևորների դժգոհությունն աճում։ Ամենից շատ Հայաստանի ճանապարհներից բողոքում էին Վրաստանից եկողները։ Միքայելը կարծում է, որ հիմա նրանք էլ գոհ կլինեն։








Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 78%
Քամի՝ 11.27 կմ/ժ
17 C°
 
17°  30° 
21.08.2018
18°  32° 
22.08.2018
Հարցում

Կազդե՞ն Խաչատուրովի շուրջ վերջին զարգացումները ՀԱՊԿ անդամ երկրների հետ Հայաստանի հարաբերությունների վրա: