Վիլնյուսի կենտրոնական կամուրջները լուսավորվել են հայկական դրոշի գույներով

• 20.10.2018, 13:21
•  Եվրոպա,  Աշխարհ,  Հայաստան,  No-politics

Երևանի 2800-ամյակի առիթով Լիտվայի մայրաքաղաքի ղեկավարությունը հոկտեմբերի 19-ից 20-ը Վիլնյուսի երեք կենտրոնական կամուրջները լուսավորել է հայկական դրոշի գույներով։ Այս մասին ֆեյսբուքյան իր էջում հայտնել է Լիտվայում, Լատվիայում և Էստոնիայում ՀՀ դեսպան Տիգրան Մկրտչյանը, հայտնում է Panorama.am-ը։

Նրա խոսքով՝ Սպիտակ կամուրջը լուսավորվել է կարմիր գույնով, Ոսկեգույն կամուրջը՝ կապույտով, իսկ Մինդաուգաս թագավորի կամուրջը՝ ծիրանագույնով։

«Վիլնյուսը լուսավորվում է եռագույնի գույներով և շնորհավորում Երևանի 2800-ամյակը հայերեն և լիտվերեն լեզուներով»,- գրել է դեսպանը։