ԵՐԵՎԱՆ 4 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Հայ հեղինակները մանկական նոր խոսող գիրք են ստեղծել՝ «Արդիբուք»

Այսօրվանից՝ դեկտեմբերի 17-ից, Երևանում վաճառքի է հանվել նոր հայկական մանկական խոսող գիրք, որը բոլորովին թարմ շունչ է Հայաստանի գրքային ոլորտում: «Արդիբուք» կոչվող մանկական ինտերակտիվ գրքի հեղինակների խոսքով, գիրքը պատրաստվել է նորարարական տեխնոլոգիաներով, որոնք առաջին անգամ են կիրառվել Հայաստանում:

«Նմանատիպ գրքեր կարելի է տեսնել եվրոպական երկրներում, բայց ինձ համար կարևոր էր ստեղծել այս տեխնոլոգիայով աշխատող գրքեր Հայաստանում: Ընդ որում, մենք ոչ թե կրկնօրինակել ենք եվրոպական հրատարակությունը, այլ ստեղծել ենք լիովին նոր պրոդուկտ, որի բոլոր հեղինակները Հայաստանում հայտնի արվեստագետներ են»,- պատմում է նախագծի հեղինակ Պավել Կիրակոսյանը, որը բնակվում է Գերմանիայում:

«Արդիբուքը» պատկերազարդ գրքերի շարք է, որոնք աշխատում են հատուկ խելացի գրիչով: Գրիչի վրա տեղադրված սենսորները ճանաչում են պատկերները և խոսում նրանց ձայներով:

«Գիրքն օգտագործվում է գրիչի հետ միասին: Ընդ որում, գրիչ կամ, ինչպես մենք ենք ասում, «Արդիփեն» պետք է առնել ընդամենը մեկ անգամ և հետագայում դրանով կարդալ շարքի բոլոր գրքերը: Մեր կայքում ազատ ներբեռնման համար հասանելի կլինեն բոլոր գրքերի ֆայլերը»,- բացատրում է նախագծի խմբագիր Վահե Ղուկասյանը:

«Արդիբուք» շարքի առաջին գիրքը կենդանաբանական այգու մասին է: Նախագծի վրա աշխատել է մեծ պրոֆեսիոնալ թիմ: Գրքի նկարազարդումները, մասնավորապես, արել է նկարիչ Լիլիթ Մանարյանը, իսկ երաժշտության հեղինակը Քրիստ Մանարյանն է: Գրքի հերոսների խոսքերը կարդում են Հրանտ Թոխատյանը, Լուիզա Ներսիսյանը:

Դեկտեմբերի 24-ին նախագծի հեղինակները «Լոֆթում» պատրաստվում են «Արդիբուքի» շնորհանդես իրականացնել, որտեղ ավելի մանրամասն կպատմեն նախագծի մասին:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 52%
    Քամի՝ 3,6 կմ/ժ
    5 C°
     
    20°   
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: