ԵՐԵՎԱՆ 16 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 859,46 դրամ ԱՐԾԱԹ - 267,24 դրամ ՊԼԱՏԻՆ - 13 568,81 դրամ

Մոսկվան հուսով է, որ Հայաստանի նոր ղեկավարությունը քաջություն կգտնի դիմակայելու ԱՄՆ-ի շանտաժներին. ՌԴ ԱԳՆ

Riafan.ru

Մոսկվան հուսով է, որ Հայաստանի նոր ղեկավարությունը քաջություն կգտնի դիմակայելու ԱՄՆ-ի շանտաժներին և ճնշմանը, ինչպես նաև ինքնուրույն որոշումներ կկայացնի: Այս մասին «ՌԻԱ Նովոստի»-ին է հայտնել Ռուսաստանի փոխարտգործնախարար Գրիգորի Կարասինը:

Հոկտեմբերին ԱՄՆ նախագահի ազգային անվտանգության հարցերով խորհրդական Ջոն Բոլթոնն այցելել է Երևան: Լրագրողների հետ հարցազրույցի ժամանակ, մեկնաբանելով Ղարաբաղյան հակամարտության գործընթացը, Բոլթոնը նշել է, որ ամերիկյան «զենքն ամեն դեպքում ավելի լավն է, քան ռուսականը»: Բոլթոնը նաև խորհուրդ է տվել Երևանին միջազգային հարաբերություններում «ազատվել պատմական կլիշեներից»:

«Այս տարի երկրում տեղի ունեցող արմատական փոփոխությունների ֆոնի վրա, Վաշինգտոնի միջամտությունը ներքին և արտաքին հարցերում ավելի ու ավելի անկանխատեսելի է դառնում», - ասել է Կարասինը:

Դիվանագետի կարծիքով, Բոլթոնը վիրավորական կերպով հայ ժողովրդի պատմական փորձն անվանել է «պատմական կլիշե», ինչպես նաև պատվիրել է Հայաստանին գնել ամերիկյան զենք և հնարավորինս շուտ միանալ հակաիրանական պատժամիջոցներին:

«Եթե դա հայ-ամերիկյան հարաբերությունների հանրայնացված կողմն է, ապա մենք կարող ենք միայն պատկերացնել, թե ինչ ճնշումներ են գործադրվում կուլիսների հետևում», - նշել է Կարասինը:

«Հուսով ենք, որ Հայաստանի ներկայիս ղեկավարությունը, որը ստացել է խորհրդարանական ընտրություններում անհրաժեշտ մանդատը, կգտնի խիզախություն դիմակայելու արտաքին շանտաժին և ճնշմանը, կպաշտպանի ինքնուրույն որոշումներ կայացնելու ինքնիշխան իրավունքն` ազգային շահերին համապատասխան », - ասել է փոխնախարարը:

 

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 48%
Քամի՝ 6 կմ/ժ
16 C°
 
12°  21° 
20.10.2019
12°  18° 
21.10.2019
Հարցում

Կարևո՞ր եք համարում Երևանում WCIT-2019-ի անցկացումը: