ԵՐԵՎԱՆ 1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 30,293.15 դրամ ԱՐԾԱԹ - 470.07 դրամ ՊԼԱՏԻՆ - 21,042.56 դրամ

Իրանի և Ռուսաստանի հարաբերություններում լարվածություն է նկատվում

Alexander Zemlianichenko/Pool via REUTERS

Վերջին շրջանում Իրանի և Ռուսաստանի հարաբերություններում հակասություններ են նկատվում: Մասնավորպես, այդ մասին է փաստում Ռուսաստանի արտգործնախարարության մակարդակով հնչեցված այն հայտարարությունը, ըստ որի Իրանը Ռուսաստանի  համար Սիրիայի հարցով դաշնակից չէ:   

Սակայն առավել հետաքրքրականն այն է, որ Մոսկվայի և Թեհրանի միջև առկա այդ հակասությունների խորացման ֆոնին Սիրիայում կարծես թե նոր` Ռուսաստան-Իսրայել տանդեմ է ձևավորվում: Ասվածի համար հիմք է ծառայում Ռուսաստանի փոխարտգործնախարար Սերգեյ Ռյաբկովի հայտարարությունը, ըստ որի «Ռուսաստանի համար կարևոր է Իսրայելի անվտանգությունը և վերջինս համաձայն չէ Իսրայելի նկատմամբ Իրանի վարած թշնամական քաղաքականության հետ»:

Արտգործնախարարության մակարդակով արված այս հայտարարությունը հատկանշական է այն առումով, որ իր մեջ հստակ ուղերձ է պարունակում առ այն, որ Ռուսաստանի դաշնակիցը ոչ թե Իրանն է, այլ Իսրայելը: Դրա մասին են վկայում նաև իրանական կողմի այն պնդումները, համաձայն որոնց իսրայելական ուժերի հարձակման ժամանակ, որի թիրախում եղել են հիմնականում իրանամետ ուժերը,  Ռուսաստանը չի ակտիվացրել С-300 ՀՕՊ համակարգերը:

Ուստի կարող ենք փաստել, որ իրականում Սիրիայի հարցով Ռուսաստանի և Իսրայելի շահերը ներկայում միանգամայն համընկնում են:  Իսրայելի համար իրանական ուժերի ներկայությունն իր սահմանների մոտ դիտարկվում է որպես լուրջ սպառնալիք երկրի անվտանգության համար: Իսկ Ռուսաստանի պարագայում Սիրայում հիմնական խաղացող դառնալու վերջինիս մտադրության ֆոնին, բնական է, որ Իրանի ակտիվությունը Մերձավոր Արևելքում խանգարող հանգամանք է դիտարկվում:


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 61%
Քամի՝ 5 կմ/ժ
1 C°
 
-1°   
27.02.2021
-1°  10° 
28.02.2021
Հարցում

Կո՞ղմ եք Covid-19 պատվաստումներին, եթե Հայաստանում նման գործընթաց սկսվի: