Ռուս սահմանապահները հայ-իրանական սահմանին թմրամիջոցներ տեղափոխող անձի են ձերբակալել

• 08.02.2019, 11:12
•  Տարածաշրջան,  Աշխարհ,  Հայաստան

newsinfo.am

2019 թ․ փետրվարի 5-ի լույս 6-ի գիշերը Սյունիքի մարզի «Կարճևան» հսկիչ անցակետում Հայաստանի Հանրապետությունում Ռուսաստանի ԱԴԾ-ի սահմանապահ վարչության աշխատակիցները ՀՀ սահմանն անցնող բեռնատար մեքենայի զննման արդյունքում հայտնաբերել են ընդհանուր քաշով ավելի քան 57 գրամ թմրանյութ (հավանաբար` ափիոն)։ Այս մասին հայտնում է Sputnik-Արմենիան` հղում անելով սահմանապահ վարչության մամուլի ծառայությանը։

Ավտոմեքենայի վարորդը (Իրանի քաղաքացի) օրենքով սահմանված կարգով փոխանցվել է Հայաստանի Հանրապետության իրավապահ մարմիններին։

Այժմ իրականացվում են անհրաժեշտ միջոցառումներ՝ կատարված հանցագործության բոլոր հանգամանքները պարզելու համար։