ԵՐԵՎԱՆ 12 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 657,47 դրամ ԱՐԾԱԹ - 269,6 դրամ ՊԼԱՏԻՆ - 13 602,3 դրամ

Եթե որևէ մեկը կանգնի մուսուլմանների դեմ, իր պապերի պես դագաղում կհայտնվի. Էրդողան

Թուրքիայի նախագահ Ռեջեփ Թայիփ Էրդողանը խիստ նախազգուշացում է հղել նրանց, ովքեր հակամուսուլմանական նպատակներով պատրաստվում են երկրի տարածք մուտք գործել:

Daily Mail-ի փոխանցմամբ` Էրդողանն անդրադարձել է Առաջին համաշխարհային պատերազմի ժամանակ տեղի ունեցած Գալիպոլիի ճակատամարտին ու հայտարարել, որ նողկալի դրդապատճառներով Թուրքիա մուտք գործողները «հետ կվերադառնան դագաղներով»:

Նշվում է, որ Էրդողանը նկատի է ունեցել 1916 թվականին դաշնակից ուժերի՝ Գալիպոլիի թերակղզի ներխուժելու ձախողված փորձը:

«Ձեր պապերը եկան, նրանցից որոշները հետ վերադարձան դագաղների մեջ պառկած: Եթե դուք էլ ձեր պապերի պես գաք, վստահ եղեք, որ նրանց պես էլ վերադառնալու եք: Եթե որևէ մեկը կանգնի թուրքերի, մուսուլմանների և մյուս հալածյալների դեմ, ապա պատմությունը կկրկնվի: Եթե Թուրքիան կրկին Գալիպոլիի ճակատամարտի պես փորձության առաջ կանգնի, ապա կկարողանա նույնը կրկնել»,-ասել է Էրդողանը:

Նշվում է, որ Էրդողանն այս հայտարարությունն արել է Նոր Զելանդիայի Քրայսթչերչ քաղաքում մուսուլմանների դեմ իրականացված ահաբեկչության ֆոնին: 


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 32%
Քամի՝ 9 կմ/ժ
12 C°
 
12°  23° 
19.10.2019
12°  22° 
20.10.2019
Հարցում

Կարևո՞ր եք համարում Երևանում WCIT-2019-ի անցկացումը: