ԵՐԵՎԱՆ 24 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 21 462,94 դրամ ԱՐԾԱԹ - 234,88 դրամ ՊԼԱՏԻՆ - 12 335,64 դրամ

Անհրաժեշտ է քայլեր ձեռնարկել Վենեսուելայի հայ համայնքի հետ Հայաստանի կապերն ակտիվացնելու ուղղությամբ

Վենեսուելայում տիրող անկայուն քաղաքական իրավիճակը հանգեցրել է հումանիտար խորը ճգնաժամի:  Երկրում լույսի, ջրի, գազի մատակարարման խաթարումներից զատ, պարենային և դեղորայքի դեֆիցիտ է առաջացել:  Երեխաները հասարակական տրանսպորտի կոլապսի պատճառով չեն կարողանում դպրոց հաճախել: Անելանելի դրության մեջ են հայտնվել նաև հիվանդանոցները, որտեղ մահացության թիվն աստիճանաբար ավելի է մեծանում:

Բազմաթիվ վենեսուելացիներ լքում են երկիրը, սակայն տրոնսպորտի` կաթվածահար լինելու պատճառով նպատակակետին հասնելու համար նրանք ստիպված են լինում հաղթահարել բազմաթիվ դժվարություններ, ինչպես երկրի ներսում, այնպես էլ սահմանը հատելիս:

Ճգնաժամի կորստաբեր հետևանքներից անմասն չեն մնացել նաև այդ երկրում ապրող մեր հայրենակիցները: Վենեսուելայից ստացված տեղեկատվության համաձայն` համայնքային կենտրոնը ներկայումս լքված վիճակում է հայտնվել: Նրանք մյուսների նման կանգնած են բավականին լուրջ սոցիալական խնդիրների առջև: Չնայած նրան, որ համայնքի անդամներից շատերը շահագրգռված են ստանալու Հայաստանի քաղաքացիություն, սակայն ո´չ Կարակասում կա հայկական դիվանագիտական ներկայացուցչություն, ո´չ էլ համայնքի անդամներն են կարողանում քաղաքացիություն ստանալու համար Արգենտինա կամ Բրազիլիա մեկնել: Ներկայումս նույնիսկ վենեսուելական անձնագրերի վավերականության ժամկետի երկարաձգումն է բարդ գործընթաց դարձել:

Ստեղծված այս իրավիճակը կարող է էլ ավելի վատթարանալ օրերս Վենեսուելայի նկատմամբ ԱՄՆ-ի կողմից սահմանված պատժամիջոցների հետևանքով:  

Ստեղծված իրավիճակում ՀՀ իշխանությունների առաջնահերթ խնդիրներից մեկը պետք է լինի հնարավոր բոլոր խողովակներով հայ համայնքին աջակցելը: ՀՀ-ն պետք է էլ ավելի հետևողական լինի ակտիվացնելու կապերը Վենեսուելայի մեր հայրենակցիների հետ` նրանց անվտանգային խնդիրներն ուշադրության կենտրոնում պահելու, ինչպես նաև հնարավորության շրջանակներում անհրաժեշտ օգնություն ցուցաբերելու համար:


Եղանակ
Երևան

Խոնավություն՝ 48%
Քամի՝ 10 կմ/ժ
24 C°
 
22°  31° 
27.06.2019
20°  29° 
28.06.2019
Հարցում

Հավանե՞լ եք «Գահերի խաղ»-ի վերջին սերիան: