ԵՐԵՎԱՆ 25 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 965,67 դրամ ԱՐԾԱԹ - 264,44 դրամ ՊԼԱՏԻՆ - 12 988,57 դրամ

Ալժիրի նախագահը անցումային կառավարություն է նշանակել

Մի քանի շաբաթ տեւած բողոքի զանգվածային ցույցերից հետո Ալժիրի գործող նախագահ Աբդելազիզ Բուտեֆլիկան նշանակել է անցումային կառավարություն: NEWS.am-ի հաղորդմամաբ, կառավարությունը կղեկավարի Նուրեդին Բեդուին, որը նախկինում զբաղեցրել է ՆԳՆ ղեկավարի պաշտոնը:

Գործակալության տեղեկություններով՝ ՄԱԿ-ում նախկին հատուկ դեսպանորդ Սաբրի Բուկադումը նշանակված է ԱԳ նախարար: Բուկադումի նախորդը՝ Ռամտան Լամամրան, այս պոշտոնը զբաղեցել է մեկ ամսից քիչ:

Կառավարությունում պաշտոնը պահպանում է Ալժիրի պաշտպանության փոխնախարար Ահմեդ Գաիդ Սալեհը, որը մարտի 26-ին պահանջել էր պետության 82-ամյա ղեկավարի հրաժարականը: Գեներալ-լեյտենանտը հայտարարել էր, որ եկել է Ալժիրի սահմանադրության 102-րդ հոդվածի գործելու ժամանակը:

Հիմնական օրենքի այս կետը երկրի սահմանադրական խորհրդին թույլ է տալիս նախագահի պաշտոնը թափուր համարել, եթե պետության ղեկավարը ունակ չէ կատարելու իր պարտականությունները: Հաջորդ օրը նույնպիսի պահանջով էր հանդես եկել Ալժիրի վարչապետի պաշտոնակատար Ահմեդ Ույահյան:

Մի քանի շաբաթ է՝ հյուսիսաֆրիկյան երկրում շարունակվում են 2011 թվականին «արաբական գարնան» ժամանակներից ի վեր խոշորագույն ցույցեր: Ցուցարարները սկզբում դեմ էին 82-ամյա Աբդելազիզ Բուտեֆլիկայի նախագահական ենթադրվող 5-րդ ժամկետին: Ցույցերի ընթացքում տուժել են հարյուրավոր մարդիկ:

Աբդելազիզ Բուտեֆլիկան Ալժիրի նախագահն է 1999 թվականից: 2013 թվականին կաթված ստանալուց հետո Բուտեֆլիկան գամված է հաշմասայլակին, այդ ժամանակից ի վեր նա հազվադեպ է ներկայանում հանրությանը եւ ելույթներով հանդես չի գալիս:


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 40%
Քամի՝ 4 կմ/ժ
25 C°
 
16°  28° 
28.05.2020
16°  30° 
29.05.2020
Հարցում

Բավարա՞ր եք համարում Հայաստանում կորոնավիրուսի համաճարակի տարածման դեմ ձեռնարկվող միջոցները: