ԵՐԵՎԱՆ 6 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 528,19 դրամ ԱՐԾԱԹ - 255,88 դրամ ՊԼԱՏԻՆ - 14 222,19 դրամ

Ղազախստանը շահագրգռված է խորացնելու փոխգործակցությունը Հայաստանի հետ. ՀՀ-ում Ղազախստանի դեսպան

ՀՀ ԱԺ «Իմ քայլը» խմբակցության ղեկավար Լիլիթ Մակունցը և ՀՀ ԱԺ Հայաստան-Ղազախստան խորհրդարանական բարեկամական խմբի ղեկավար Վաղարշակ Հակոբյանն ապրիլի 16-ին հանդիպել են ՀՀ-ում Ղազախստանի Հանրապետության արտակարգ և լիազոր դեսպան Թիմուր Ուրազաևի և Ղազախստանի «Նուր Օթան» կուսակցության միջազգային հարաբերությունների հարցերով վարչության պետի տեղակալ Ալիա Սախարիևայի հետ:

Դեսպանը, բարձր գնահատելով երկու երկրների միջև առկա հարաբերությունները, վստահեցրել է, որ Ղազախստանը շահագրգռված է խորացնելու Հայաստանի հետ արդյունավետ փոխգործակցությունը, ինչպես երկկողմ, այնպես էլ բազմակողմ ձևաչափերում, այդ թվում` Եվրասիական տնտեսական միության և Հավաքական անվտանգության պայմանագրի կազմակերպության շրջանակներում:

Ղազախստանի խորհրդարանում մեծամասնություն կազմող «Նուր Օթան» կուսակցության ներկայացուցիչն առաջարկել է առավել ակտիվացնել համագործակցությունն «Իմ քայլը» կուսակցության հետ:

ՀՀ ԱԺ «Իմ քայլը» խմբակցության ղեկավարն իր պատրաստակամությունն է հայտնել երկու կուսակցությունների միջև փոխադարձ կապերի ընդլայնման գործում: Լիլիթ Մակունցն անդրադարձել է միջխորհրդարանական կառույցներում պատվիրակությունների համագործակցված աշխատանքներին՝ կարևորելով երկկողմ հետաքրքրություն ունեցող խնդիրներում միմյանց աջակցությունը:

Վաղարշակ Հակոբյանն առաջարկել է համագործակցել խորհրդարանական բազմակողմ ձևաչափերում: Նա տեղեկացրել է, որ նախատեսվում է Հայաստան-Ղազախստան խորհրդարանական բարեկամական խմբի այցը Ղազախստան:

Անդրադառնալով երկկողմ համագործակցության բազմոլորտ օրակարգին` զրուցակիցները կարևորել են առևտրատնտեսական կապերի ընդլայնումը` փաստելով, որ առկա է հայ-ղազախական համագործակցության խորացման դեռևս չիրացված մեծ ներուժ: 


Եղանակ
Երևան
Ամպամած
Խոնավություն՝ 73%
Քամի՝ 4 կմ/ժ
6 C°
 
   
16.12.2019
   
17.12.2019
Հարցում

Արդյոք Հայաստանի իշխանությունները բավարար չափո՞վ են տեղեկացնում մեր հասարակությանը Ղարաբաղյան հակամարտության կարգավորման գործընթացի մասին: