Պաշտպանության նախարարությունը բալանսի չի ձգտում, ձգտում է առավելության. Տոնոյան

• 09.05.2019, 14:13
•  Աշխարհ,  Հայաստան

«Քանի որ ձմռան փուլից հետո առաջնագծում սկսվում են երկկողմանի ինժեներական աշխատանքներ, մենք աշխուժացումը դրա հետ ենք կապում»,- այս մասին այսօր Հաղթանակի զբոսայգում լրագրողների հետ զրույցում ասաց ՀՀ պաշտպանության նախարար Դավիթ Տոնոյանը, հաղորդում է Panorama.am-ը։

Լրագրողների դիտարկմանը, թե մի կողմից վարչապետը խոսում է ժողովուրդներին խաղաղության պատրաստելու մասին, մյուս կողմից նախարարությունը շարուկանում է զինտեխնիկայի ավելացման գործընթաց, նախարարը պատասխանեց. «Մեր նախարարության անունը պաշտպանության նախարարություն է, մենք պետք է շարունակենք ու ապահովենք անվտանգությունը, ինչպես նաև բանակցային գործընթացում բարենպաստ պայմաններ ստեղծենք»։

Հարցին, թե ի՞նչ ընթացքում է Ռուսաստանից սպառազինության ձեռք բերման գործընթացը, նա պատասխանեց. «Շատ առողջ վիճակում է»։

Մեկ այլ հարցին, թե «կարող ենք ասել, որ Բաքվի հետ սպառազինության բալանսը վերականգնված է», Տոնոյանն ասաց. «Կարող եմ ասել, որ պաշտպանության նախարարությունը բալանսի չի ձգտում, ձգտում է առավելության»։