ԵՐԵՎԱՆ 29 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 21,648.63 դրամ ԱՐԾԱԹ - 234.82 դրամ ՊԼԱՏԻՆ - 12,921.12 դրամ

Իրանը սպառնացել է Պարսից ծոցի հատակն ուղարկել ամերիկյան նավերը

CNN

Իրանի ռազմածովային ուժերն այնպիսի զենք ունեն, որը թույլ կտա ամերիկյան նավերի «սխալ գործողությունների» դեպքում դրանք Պարսից ծոցի հատակն ուղարկել: Ինչպես փոխանցում է է ՏԱՍՍ գործակալությունը՝ Al Mayadeen հեռուստաալիքին հղումով, այս մասին հայտարարել է Իսլամական հեղափոխության պահապանների կորպուսի հրամանատարի խորհրդական Մորթեզա Կորբանին:

«Մենք պատերազմի դեպքում ԱՄՆ-ի դեմ գաղտնի զենք կգործածենք՝ նրանց ավիակիրներից 2-ը ինքնաթիռների ու անձնակազմի հետ ծովի հատակն ուղարկելոով»,- նշել է Կորբանին:

Խորհրդականի խոսքով՝ ամերիկացիները պետք է իմանան՝ ինչ է նրանց սպասվում ռազմական սցենարի դեպքում: «Իրանցիներն ԱՄՆ-ի կողմից ցանկացած սադրանքին կպատասխանեն ամբողջ հզորությամբ»,- ընդգծել է նա:

 ԱՄՆ-ի ու Իրանի միջև քաղաքական առճակատումները Պարսից ծոցում իրավիճակի կտրուկ սրման հանգեցրել են այն բանից հետո, երբ Վաշինգտոնը որոշել է այնտեղ Թեհրանի իշխանություններին ազդանշան հղելու նպատակով Abraham Lincoln ավիակրի գլխավորությամբ ռազմածովային ուժերի հարվածային խումբ ուղարկել:

Ավելի ուշ հայտնի էր դարձել, որ այդ խմբին կմիանա Patriot զենիթահրթիռային համակարգի մարտկոցը և USS Arlington ռազմատրանսպորտային նավը:

Մայիսի 24-ին ԱՄՆ նախագահ Դոնալդ Թրամփը հայտարարել էր Իրանի հետ լարվածության էսկալացիայի առնչությամբ Մերձավոր Արևելքում 1500-անոց զորք տեղակայելու մասին, ինչին ի պատասխան Իրանի արտգործնախարար Մոհամմադ Ջավադ Զարիֆը հայտնել էր, որ այդ քայլը կսպառնա գլոբալ խաղաղությանն ու կայունությանը:


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 29%
Քամի՝ 10 կմ/ժ
29 C°
 
22°  35° 
18.07.2019
22°  35° 
19.07.2019
Հարցում

Հավանե՞լ եք «Գահերի խաղ»-ի վերջին սերիան: