Մինսկ-2019. Մարմնամարզիկներ Արթուր Դավթյանը և Վահագն Դավթյանն անցել են եզրափակիչ

• 28.06.2019, 09:39
•  Հայաստան,  No-politics

Բելառուսի մայրաքաղաք Մինսկում ընթացող երկրորդ Եվրոպական խաղերի մրցումային 7-րդ օրը պայքարի դուրս եկան սպորտային մարմնամարզիկները, տեղեկացնում է ՀԱՕԿ-ը։

Այս մարզաձևում Հայաստանն ունի 3 ներկայացուցիչ՝ Վահագն Դավթյանը, Արթուր Թովմասյանը և Արթուր Դավթյանը։

Արթուր Դավթյանը բազմամարտի որակավորման փուլում գրանցեց 83․231 արդյունքը և երկրորդ տեղով դուրս եկավ եզրափակիչ։

Հենացատկում և ազատ վարժությունում Արթուր Դավթյանը գրանցեց 14․450 և 14․200 արդյունքները և կրկին դուրս եկավ այս վարժությունների եզրափակիչ։

Օղակներ վարժությունում Վահագն Դավթյանը գրանցեց 14․500 արդյունքը, Արթուր Թովմասյանը՝ 14․400։

Առանձին վարժությունների եզրափակչում յուրաքանչյուր երկիր կարող է ունենալ միայն մեկ մասնակից, ուստի Հայաստանը կներկայացնի Վահագն Դավթյանը։

Հավելենք, որ Արթուր Դավթյանը 14․133 միավորով 7-րդ տեղն է զբաղեցրել նժույգթափեր վարժությունում և ստացել է առաջին պահեստայինի կարգավիճակը։