ԵՐԵՎԱՆ
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 581,55 դրամ ԱՐԾԱԹ - 353,6 դրամ ՊԼԱՏԻՆ - 15 366,29 դրամ

Թուրքիայի կողմից Արաքս գետի վրա ջրամբարների կառուցման հարցին լուծում տալու համար միայն բարձրաձայնելը բավարար չէ

Հուլիսի 16-ին փոխվարչապետ Տիգրան Ավինյանը հանդիպել է ՄԱԿ-ի Գլխավոր քարտուղարի տեղակալ, Առավել նվազ զարգացած, դեպի ծով ելք չունեցող զարգացող և փոքր կղզիական զարգացող երկրների հարցերով ՄԱԿ-ի բարձր հանձնակատար տիկին Ֆեկիտամոելոա Կատոա Ուտոյկամանուի հետ: Հանդիպման ընթացքում իր մտահոգությունն է հայտնել Թուրքիայի կողմից Արաքս գետի ջրային ռեսուրսների օգտագործմամբ համալիր ջրամբարաշինության ծրագրերի շուրջ:

Ելնելով ջրի պահանջարկի աճը բավարարելու նկատառումներից՝ ներկայումս Թուրքիան Արաքս գետի վրա կառուցում է  Կարակուրտի ջրամբարը, որը նախատեսվում է ավարտին հասցնել այս տարվա վերջին: Բացի այդ, նախատեսվում է կառուցել նաև Թուզլուջայի ու Սոյլեմեզի ջրամբարները: Ի դեպ, վերջինս Թուրքիայի թվով չորրորդ ամենամեծ ջրամբարն է լինելու:

Այս ջրամբարների կառուցումը Հայաստանի համար մտահոգիչ է նրանով, որ կարող է հանգեցնել Արաքս գետի ջրերի հոսքերի զգալի կրճատմանը: Այն առաջին հերթին բավականին մեծ վնաս կարող է հասցնել Արարատյան դաշտին, քանի որ հողատարածքների ոռոգման համար օգտագործվում են նաև Արաքսի ջրերը:  Հայաստանի վրա բացասական ազդեցության չափը կախված կլինի նաև նրանից, թե ինչ արագությամբ Թուրքիան կփորձի լցնել Կարակուրտի ջրամբարը։

Կարելի է ասել, որ այս քայլով Թուրքիան փորձում է ջրային ռեսուրսների վրա լիակատար վերահսկողություն սահմանել, ինչը կարող է հետագայում օգտագործվել նաև Հայաստանի վրա տնտեսական ճնշում գործադրելու նպատակով:

Այսպիսի իրավիճակում ՀՀ իշխանությունները պետք է առաջին հերթին գործողությունների հստակ հայեցակարգ ունենան:

Իհարկե, ողջունելի է, որ հարցը բարձրաձայնվում է տարբեր միջազգային հարթակներում, սակայն միայն բարձրաձայնելը բավարար չէ հարցին լուծում տալու համար: Դրա հետ մեկտեղ  անհրաժեշտ է, որ ՀՀ իշխանությունները հստակ քայլեր ձեռնարկեն՝ թույլ չտալու միջազգային նորմերի խախտում և Հայաստանի տնտեսության վրա ճնշման լրացուցիչ լծակների ձեռքբերումը:


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ %
Քամի՝ կմ/ժ
0 C°
 
16°  27° 
26.09.2021
17°  30° 
27.09.2021
Հարցում

Կցանկանա՞ք արձակուրդն անցկացնել Արցախում: