ԵՐԵՎԱՆ 21 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 986,52 դրամ ԱՐԾԱԹ - 259,55 դրամ ՊԼԱՏԻՆ - 13 084,43 դրամ

Ուկրաինան պատրաստվում է արտահերթ ընտրությունների. ֆավորիտը Զելենսկիի կուսակցությունն է

Կիրակի օրը՝ հուլիսի 21-ին, Ուկրաինայում կանցկացվեն արտահերթ խորհրդարանական ընտրություններ: Նախորդ խորհրդարանն արձակվեց նորընտիր նախագահ Վլադիմիր Զելենսկու կողմից՝ անմիջապես երդմնակալության արարողությունից հետո:

Խորհրդարանական ընտրություններին մասնակցում է 23 քաղաքական ուժ: Ընտրություններն անցկացվելու են խառը ընտրակարգով՝ համամասնական-մեծամասնական:

Հարցումների տվյալները տատանվում են, սակայն բոլոր ցուցանիշներով առաջին տեղում է նախագահ Զելենսկու գլխավորած քաղաքական ուժը՝ «Ժողովրդի ծառա» կուսակցությունը՝ 49.5-53.2 տոկոս: Շոշափելի տարբերությամբ երկրորդ տեղում է «Ընդդիմադիր պլատֆորմ՝ Հանուն կյանքի» բլոկը Յուրի Բոյկոյի գլխավորությամբ՝ 10.3-10.5 տոկոս: Այն, ի դեպ, միակ քաղաքական ուժն է, որ կողմ է արտահայտվում Ռուսաստանի հետ սերտ կապերի պահպանմանը և բավական մեծ աջակցություն է վայելում երկրի հարավում և արևելքում: Երրորդ տեղում «Եվրոպական սոլիդարություն» կուսակցությունն է նախկին նախագահ Պյոտր Պորոշենկոյի գլխավորությամբ՝ 7.7-7.9 տոկոս: 5.8 - 6.9 տոկոս կարող է հավաքել Յուլիա Տիմոշենկոյի գլխավորած «Բատկևշինան»: Անցողիկ 5-տոկոսանոց շեմը հաղթահարող մյուս հնարավոր կուսակցությունների վերաբերյալ հարցումների տվյալները տատանվում են:

Թե որ կուսակցությունները կհաղթահարեն անցողիկ շեմը, մեծամասամբ կախված է լինելու մասնակցությունից: Չնայած քաղաքական բուռն զարգացումներն Ուկրաինայում արդեն բավական երկար են տևում, սոց. հարցումները ցույց են տալիս, որ հետաքրքրությունն ընտրությունների հանդեպ բավական բարձր է, և բավական բարձր մասնակցություն է սպասվում:

Հիշեցնենք, որ Ուկրաինան կիսանախագահական երկիր է, և խորհրդարանի աջակցությունն անհրաժեշտ է լինելու նախագահ Զելենսկուն կառավարություն ձևավորելու և կարևոր որոշումներ կայացնելու համար:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 50%
Քամի՝ 10 կմ/ժ
21 C°
 
19°  31° 
27.08.2019
18°  32° 
28.08.2019
Հարցում

Կո՞ղմ եք Ամուլսարի շահագործման հարցով հանրաքվեի անցկացմանը