ԵՐԵՎԱՆ 18 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 859,46 դրամ ԱՐԾԱԹ - 267,24 դրամ ՊԼԱՏԻՆ - 13 568,81 դրամ

Դավիթ Տոնոյանի հայտարարությունները Նախիջևանի սահմանին տիրող իրավիճակի վերաբերյալ առնվազն տարօրինակ են

Սահմանին որոշ հատվածներում կան որոշակի լարվածություններ, բայց անհանգստանալու խնդիր չունենք: Այս մասին, այսօր՝ հուլիսի 22-ին, պաշտպանության նախարարությունում լրագրողների հետ զրույցում նշեց պաշտպանության նախարար Դավիթ Տոնոյանը: Պաշտպանության նախարարն անդրադարձավ նաև Նախիջևանի ուղղությամբ հնչած կրակոցներին՝ նշելով, որ «Կրակոցը եղել է ոչ նպատակային, այսինքն ոչ թիրախավորող»:

Հիշեցնենք, որ ավելի վաղ՝ հուլիսի 17-ին, տեղեկություն էր ստացվել այն մասին, որ հակառակորդը Նախիջևանից կրակել է Վայոց Ձորի մարզի Ելփին գյուղի ուղղությամբ: Այս տեղեկությունը հաստատել էր նաև ՊՆ մամուլի խոսնակ Արծրուն Հովհաննիսյանը՝ նշելով. «Եղել են գյուղի ուղղությամբ կրակոցներ` ոչ մեծ տրամաչափով և ոչ մեծ ինտենսիվությամբ: Փոխհրաձգություն է եղել, հայկական կողմը պատասխանել է: Փամփուշտներից մեկը, ինչպես ես հետո տեղեկացա, ընկել է Ելփին գյուղի բնակիչներից մեկի կտուրին»: Ավելին, նշյալ գյուղի վարչական ղեկավարը, լրագրողների հետ զրույցում նշել էր, որ կրակոցներ եղել են հուլիսի 11-ից: Դրանց հետևանքով սահմանի մոտ հրդեհ է բռնկվել, որը մարվել է զինվորականների օգնությամբ:

Տպավորություն է ստեղծվում, որ այս ամենից հետո Դավիթ Տոնոյանի հայտարարությունների նպատակը մեկն է՝ ցույց տալ, որ Դուշանբեի պայմանավորվածությունները գործում են, ինչին իր խոսքում ուղղակի հղում է անում հենց ինքը՝ նախարարը: Բայց արդյոք նման քաղաքականությամբ մենք չե՞նք նպաստում Ադրբեջանի կողմից այսօրինակ «ոչ նպատակային» կրակոցների աճին, անուղղակիորեն չե՞նք աջակցում ադրբեջանական կողմին՝ խուսափելու միջազգային հանրության հասցեական գնահատականներից: Եվ ի վերջո՝ գուցե ժամանակն է ընդունել, որ այս հարցում, բացի Դուշանբեի պայմանավորվածություններից, կարիք ունենք ակտիվ ներգրավել նաև միջազգային հանրությանն ու առաջին հերթին միջնորդներին:


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 51%
Քամի՝ 6 կմ/ժ
17 C°
 
11°  18° 
21.10.2019
  18° 
22.10.2019
Հարցում

Կարևո՞ր եք համարում Երևանում WCIT-2019-ի անցկացումը: