ԵՐԵՎԱՆ 1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 519,28 դրամ ԱՐԾԱԹ - 261,56 դրամ ՊԼԱՏԻՆ - 13 388,89 դրամ

Իրավիճակը Ղրղզստանում. լարվածությունը թևակոխում է նոր փուլ

Վերջին օրերին միջազգային հանրության ուշադրության կենտրոնում են հայտնվել Ղրղզստանում տեղի ունեցող իրադարձությունները: Օգոստոսի 7-ի երեկոյան Ղրղզստանի հատուկ ծառայությունները մայրաքաղաքից 20 կիլոմետր հեռավորության վրա գտնվող Քոյ Թաշ գյուղում սկսեցին նախկին նախագահ Ալմազբեկ Աթամբաևին նրա նստավայրում ձերբակալելու գործողությունը՝ նախկին ղեկավարի կողմնակիցների դեմ կիրառելով հատուկ միջոցներ: Մեկ մարդու կյանք խլած և 50-ից ավել վիրավորներ տված գրոհի արդյունքում նախագահին ձերբակալել չհաջողվեց:

Աթամբաևին ձերբակալելու անհաջող փորձից հետո Ղրղզստանի գործող նախագահ Սոորոնբայ Ժեենբեկովն անվտանգության խորհրդի արտահերթ նիստ հրավիրեց՝ քննարկելու համար երկրում ստեղծված իրավիճակը: Այդ ընթացքում հրապարակային ելույթ ունեցավ նաև Ալմազբեկ Աթամբաևը՝ հեռուստատեսությամբ շնորհակալություն հայտնելով իր աջակիցներին, որ «թույլ չտվեցին բռնել իրեն՝ մեռած, թե կենդանի»:

Օգոստոսի 8-ին Ղրղզստանի հատուկ ծառայություններն իրականացրին երկրորդ գրոհը, որի ընթացքում, համաձայն տարածված տեղեկատվության, Աթամբաևն անձամբ հանձնվեց իշխանություններին:

Նշենք, որ նախագահ Աթամբաևը, ով երկիրը ղեկավարել է 2011-2017 թվականներին, մեղադրվում է ապօրինի հարստացման, հողատարածքների զավթման, կոռուպցիոն մի շարք գործերի և քրեական հեղինակություն Ազիզ Բատուկաևի անօրինական ազատման մեջ: Ինքը՝ Աթամբաևը, հերքում է այս մեղադրանքները՝ դրանք որակելով որպես քաղաքական հետապնդում: Նման հետապնդումների պատճառը նախկին ղեկավարի համախոհները համարում են գործող իշխանությունների հասցեին հնչեցված քննադատությունները: 2019-ի հունիսին տեղի ունեցած հանրահավաքի ընթացքում Աթամբաևը Ժեենբեկովին անվանել էր ոչ լեգիտիմ նախագահ, քննադատական խոսքեր ուղղել խորհրդարանի և պատգամավորների հասցեին: Դրանից անմիջապես հետո Ղրղզստանի խորհրդարանը Աթամբաևին զրկել էր նախկին նախագահի կարգավիճակից ու անձեռնմխելիությունից:

Հաշվի առնելով նախկին նախագահի համակիրների քանակն ու վճռականությունը՝ չի բացառվում, որ Աթամբաևի ձերբակալությունը ցնցումների նոր ալիք բարձրացնի երկրում: Ի դեպ ձերբակալությունից անմիջապես հետո բողոքի ակցիաներ են սկսվեն Բիշկեքում. կան 40-ից ավել բերման ենթարկվածներ:  


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 51%
Քամի՝ 5 կմ/ժ
1 C°
 
-1°   
22.11.2019
-1°   
23.11.2019
Հարցում

Կո՞ղմ եք ՀՀ վարչապետի առաջարկած բանաձևին, ըստ որի՝ Ղարաբաղյան հակամարտության կարգավորման սցենարը պետք է ընդունելի լինի բոլոր երեք կողմերի համար։