Արարատ Միրզոյանն ընդունել է Սինգապուրի վարչապետ Լի Սյեն Լունի գլխավորած պատվիրակությանը
ՀՀ Ազգային ժողովի նախագահ Արարատ Միրզոյանը սեպտեմբերի 30-ին ընդունել է պաշտոնական այցով Հայաստան ժամանած Սինգապուրի վարչապետ Լի Սյեն Լունի գլխավորած պատվիրակությանը:
Արարատ Միրզոյանը նշել է, որ Հայաստանում չափազանց մեծ հետաքրքրություն կա Սինգապուրի նկատմամբ և ինչպես ողջ աշխարհում, Հայաստանում ևս հիացած են սինգապուրյան հրաշքով ու զարգացման այն մոդելով, որը հաջողվել է կառուցել Սինգապուրում: ՀՀ ԱԺ նախագահն ասել է, որ Հայաստանը շահագրգռված է Սինգապուրի հետ հարաբերությունները խորացնելու առումով: «Իհարկե, մեզ համար օրինակելի է տնտեսական զարգացման ձեր մոդելը և, մենք կարծում ենք, որ բազմաթիվ դասեր ունենք քաղելու: Նաև ուզում եմ ասել, որ շահագրգռված ենք երկու խորհրդարանների միջև հարաբերությունների խորացմամբ և արդեն իսկ մեր խորհրդարանում սկսվել է գործընթաց՝ Սինգապուրի խորհրդարանի հետ բարեկամական խումբ ձևավորելու ուղղությամբ: Ես մեծ հույս ունեմ, որ Սինգապուրը ևս այդպիսի հետաքրքրություն կդրսևորի»,- ասել է Արարատ Միրզոյանը:
Սինգապուրի վարչապետ Լի Սյեն Լունը հայտարարել է, որ շատ երջանիկ է Հայաստանում առաջին անգամ գտնվելու համար: Ըստ նրա՝ և՛ Սինգապուրի հետ Եվրասիական տնտեսական միության և՛ նրա անդամ պետությունների միջև ստորագրվելիք Համապարփակ տնտեսական համագործակցության շրջանակային համաձայնագիրն ու Ազատ առևտրի մասին համաձայնագիրը ևս կնպաստեն հարաբերությունների զարգացմանը: «Մենք ջերմ բարեկամական և դիվանագիտական հարաբերություններ ունենք Հայաստանի հետ: Ցանկանում ենք խորացնել դիվանագիտական հարաբերությունները Հայաստանի խորհրդարանի հետ, խորհրդարանական բարեկամական խումբ նույնպես կստեղծենք»,- ասել է Լի Սյեն Լունը:
ԱԺ նախագահը շնորհակալություն է հայտնել Սինգապուրի վարչապետին՝ ջերմ խոսքերի և ցուցաբերվող հետաքրքրության համար, նաև ուրախությամբ նշել, որ Սինգապուրում որոշում կա՝ հաջորդ տարի անցկացնել Հայաստանի մշակույթի օրեր: «Կարծում եմ՝ սա լավ հնարավորություն է ևս մեկ անգամ անդրադառնալու մեր մշակութային ժառանգությանը և վստահ եմ, որ սա նաև խթան կհանդիսանա երկու երկրների միջև զբոսաշրջության զարգացման համար: Հայերը տեսնելու շատ բան ունեն Սինգապուրում և վստահ եմ, որ սինգապուրցիները՝ տեսնելու շատ բան Հայաստանում: Հուսով եմ, որ դուք ձեր այցի ընթացքում համոզվեցիք դրանում: Մենք մեծապես կարևորում ենք Արևելյան Ասիայի երկրների հետ հարաբերությունների զարգացումը և դրա լավագույն ապացույցներից մեկն է՝ Եվրասիական տնտեսական միության հետ կնքվող, քննարկվելիք և արդեն ստորագրվող փաստաթուղթը: Մենք մեծ ակնկալիքներ ունենք այս փաստաթղթից»,- նշել է Արարատ Միրզոյանը:
Սինգապուրի վարչապետը նշել է, որ Հայաստանում հանդիպել է սինգապուրցի զբոսաշրջիկների: Նա ՀՀ ԱԺ նախագահին ներկայացրել է իր երկրի զբոսաշրջության վերաբերյալ վիճակագրությունը և համաձայնել, որ Սինգապուրի ու Հայաստանի միջև վերոնշյալ ոլորտը զարգացնելու մեծ ներուժ կա:
Հանդիպման ընթացքում Արարատ Միրզոյանն անդրադարձել է նաև Հայաստանի համար զգայուն երկու հարցի՝ Հայոց ցեղասպանության ճանաչմանն ու Լեռնային Ղարաբաղի հիմնահարցի խաղաղ կարգավորմանը՝ հույս հայտնելով, որ ինչպես բազմաթիվ երկրներ, Սինգապուրը ևս պաշտոնապես կճանաչի Հայոց ցեղասպանությունը, նաև կաջակցի ԵԱՀԿ Մինսկի խմբի ձևաչափով ԼՂ խնդրի խաղաղ կարգավորմանը:
«Նաև ուզում եմ, որ դուք՝ որպես մեր միջազգային գործընկերներ, վստահ լինեք, որ Հայաստանում անցած տարի տեղի ունեցած հեղափոխությունից հետո ՀՀ նոր իշխանություններն անշեղորեն շարժվելու են կոռուպցիայի դեմ անհաշտ պայքար մղելու, արհեստական տնտեսական մոնոպոլիաները վերացնելու, դատական իշխանության անկախությունը հաստատելու և իրավական բարեփոխումների ճանապարհով: Կարծում եմ՝ մեր գործընկերների համար սա կարևոր է իմանալ, որպեսզի կանխատեսելի գործընկերային հարաբերություններ կարողանան հաստատել»,- ասել է Արարատ Միրզոյանը:
Սինգապուրի վարչապետը հաջողություն է մաղթել Հայաստանում բարեփոխումներ իրականացնելու գործում:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 51%
Քամի՝ 1,54 կմ/ժ