ԵՐԵՎԱՆ 16 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 029,85 դրամ ԱՐԾԱԹ - 270,35 դրամ ՊԼԱՏԻՆ - 12 683,63 դրամ

Քիմ Քարդաշյանը քրոջ և երեխաների հետ Հայաստանում է (ՏԵՍԱՆՅՈՒԹ)

Այսօր գիշերը քրոջ և երեխաների հետ Հայաստան է ժամանել հեռուստաաստղ Քիմ Քարդաշյանը։ Նա, որպես զեկուցող, հանդես կգա տեղեկատվական տեխնոլոգիաների 23-րդ համաշխարհային համաժողովի՝ WCIT-2019-ի ժամանակ։ 

«Գաղափարների շուկա» խորագրով քննարկմանը Քարդաշյանը, որպես սոցցանցերում ամենաշատ հետևորդներ ունեցող անձանցից մեկը, կկիսվի իր փորձով, կներկայացնի, թե ինչպես կարելի է այդ հարթակներն օգտագործել բիզնեսի զարգացման համար:

WCIT 2019-ի ծրագրի ղեկավար Սյուզաննա Ազոյանն օդանավակայանում սպասող լրագրողներին տեղեկացրեց, որ Քարդաշյան քույրերը եկել են իրենց երեխաների հետ։ Յոթ երեխա է նրանց հետ։ Երեխաների քնած լինելու պատճառով նրանք հյուրանոց են մեկնել՝ դուրս գալով օդանավակայանի նախագահական ելքով։ Քարդաշյանը խոստացել է հանդիպել լրատվամիջոցների ներկայացուցիչների հետ։ 

ՏՏ համաշխարհային համաժողովը հիմնադրել է Տեղեկատվական տեխնոլոգիաների և ծառայությունների համաշխարհային դաշինքը։ Համաժողովը Հայաստանում կազմակերպում է Առաջատար տեխնոլոգիաների ձեռնարկությունների միությունը։ Այս տարի «WCIT» ՏՏ համաշխարհային համաժողովի թեման է՝ «Ապակենտրոնացման ուժը. ակնկալիք և վտանգ»։ Հոկտեմբերի 6-9-ն անցկացվելիք համաժողովի ընթացքում հանգամանորեն կքննարկվի, թե ինչպես են տեղեկատվական և հաղորդակցության տեխնոլոգիաները թե՛ դրական, թե՛ բացասական առումներով վերափոխում մեր կյանքը, ինչ ազդեցություն են ունենում շահույթի և բարեկեցության, ապահովության և անվտանգության, ժողովրդավարության և մարդասիրության վրա։

Երևանյան համաժողովին սպասվում է ավելի քան 2500 մասնակից՝ 70 երկրից։ Համաժողովին մասնակցելու նպատակով Հայաստանում է նաև աշխարհահռչակ դիջեյ Արմին Վան Բյուրենը:


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 65%
Քամի՝ 6 կմ/ժ
16 C°
 
10°  22° 
26.05.2020
13°  26° 
27.05.2020
Հարցում

Բավարա՞ր եք համարում Հայաստանում կորոնավիրուսի համաճարակի տարածման դեմ ձեռնարկվող միջոցները: