ԵՐԵՎԱՆ 1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 24 465,11 դրամ ԱՐԾԱԹ - 275,22 դրամ ՊԼԱՏԻՆ - 15 080,54 դրամ

Հայ-վրացական հարաբերություններում արդեն դասական դարձած հայտարարություններից այն կողմ ոչինչ չունենք

Հոկտեմբերի 15-ին պաշտոնական այցով Երևանում էր Վրաստանի վարչապետ Գիորգի Գախարիան: Այցը Գախարիայի առաջին այցն էր Հայաստան՝ վարչապետի պաշտոնում: Սակայն մինչ այդ երկու անգամ արդեն հասցրել էր լինել ՀՀ-ում՝ 2017 թվականի հունիսին՝ Վրաստանի էկոնոմիկայի նախարարի, իսկ 2018 թվականի փետրվարին` ՆԳՆ ղեկավարի պաշտոնում: Այսինքն այցը ճանաչողական կարելի է կոչել պայմանականորեն՝ զուտ դիվանագիտական և արարողակարգային տերմինաբանությանը հավատարիմ լինելու համար: Մեկօրյա պաշտոնական այցի շրջանակներում բարձր մակարդակով հանդիպումներ եղան ՀՀ վարչապետի, ՀՀ նախագահի, Գարեգին երկրորդ Ամենայն Հայոց կաթողիկոսի հետ, եղան ընդլայնված կազմով հանդիպումներ:

Հադիպման ընթացքում, անշուշտ հնչեցին նաև արդեն դասական դարձած հայտարարություններ այն մասին, թե որքան կարևոր են հայ-վրացական հարաբերությունները երկու կողմերի համար և որ երկկողմ օրակարգն այնքան հագեցած է, որ դժվար է մեկ օրում քննարկել հարցերի ողջ շրջանակը: Եվ տպավորությունն այնպիսին է, որ երկու հարևան ժողովուրդների հարաբերությունները երբեք այսքան ջերմ չեն եղել: Սակայն չմոռանանք, որ, այնուամենայնիվ, իր տարածաշրջանային այցը Գախարիան սկսեց Ադրբեջանից՝ Բաքվում հերթական անգամ հայտարարելով, որ Վրաստան-Ադրբեջան հարաբերությունները ռազմավարական են և բարեկամական: Ավելին, իր առաջին տարածաշրջանային այցը Ադրբեջանից էր սկսել նաև Վրաստանի նախագահը՝ Սալոմե Զուրաբիշվիլին: Բայց մի կողմ դնենք անգամ այս հանգամանքը:

Վրաստանի վարչապետի՝ Երևան այցից առաջ մտահոգիչ միջադեպ էր գրանցվել վրաց-հայկական սահմանին: Հոկտեմբերի 11-ին ավելի քան 4 ժամ «Նինոծմինդա-Բավրա» անցակետում պահելուց հետո Epress.am-ի լրագրողներին արգելել էին մուտք գործել Վրաստան: Դեպքի հետ կապված իր դիրքորոշումն էր ներկայացրել նաև ՀՀ ԱԳՆ-ն՝ նշելով, որ սպասում է պաշտոնական Թբիլիսիի արձագանքին: Արձագանք չեղավ: Փոխարենը օրեր անց Երևանում էր Վրաստանի վարչապետը: Լավ առիթ էր խնդրի մասին բարձրաձայնելու, նման միջադեպերը բացառելու վերաբերյալ համատեղ հայտարարությամբ հանդես գալու համար: Բայց, ինչպես տեսնում ենք, ռեալ հարցերի շուրջ Հայաստանի և Վրաստանի միջև այսօր երկխոսություն չկա. բավարարվում ենք միայն երկկողմ կարևորությունը ընդգծող, արդեն դասական դարձած գեղեցիկ հայտարարություններով:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 95%
Քամի՝ 4 կմ/ժ
1 C°
 
   
21.02.2020
   
22.02.2020
Հարցում

Համաձա՞յն եք, որ Հայաստանում սահմանադրական փոփոխություններ տեղի ունենան: