ԵՐԵՎԱՆ 29 C°
ՀՀ ԿԲ -
  • USD - 407.52 դրամ +0,52 EUR - 425.9 դրամ +0,9 RUB - 7.41 դրամ +0,41 GBP - 494.73 դրամ +0,73
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ռուսաստանը լրացուցիչ 300 զինվորական է ուղարկել Սիրիա

MSN.com

Ռուսաստանը լրացուցիչ մոտավորապես 300 զինվորական ոստիկանների է Չեչնիայից ուղարկել Սիրիա՝ հատուկ առաջադրանքներ կատարելու: Գործողություններն իրականացվելու են սիրիա-թուրքական սահմանի 30-կիլոմետրանոց գոտում: Այդ մասին ասված է ՌԴ պաշտպանության նախարարության տարածած հաղորդագրության մեջ:

«ՌԴ զինված ուժերի ռազմական ոստիկանության՝ Չեչնիայում տեղակայված ստորաբաժանման մոտավորապես 300 զինծառայողներ ժամանել են Սիրիայի Արաբական Հանրապետություն՝ կատարելու հատուկ առաջադրանքներ», - նշվում է մամուլի տեղեկագրում:

Զինվորականներն առաջադրանքների կատարմանը ձեռնամուխ կլինեն մոտ ժամանակներս: Ինչպես նշում են գերատեսչությունում, նրանք ապահովելու են բնակչության անվտանգությունը, կարգուկանոն են պաշտպանելու և պարեկելու են հանձնարարված շրջանները:

ՌԴ-ի և Թուրքիայի նախագահներ Վլադիմիր Պուտինը և Թայիփ էրդողանը հոկտեմբերի 22-ին Սոչիում կայացած վեցժամյա բանակցությունների արդյունքներով ստորագրել են տասը կետից բաղկացած փոխըմբռնման հուշագիր: Դրանում, մասնավորապես, ասված է, որ հոկտեմբերի 23-ին ժամը 12:00-ից սիրիա-թուրքական սահմանի սիրիական կողմում, «Խաղաղության ակունք» թուրքական գործողության գոտու սահմաններից դուրս, մտցվում են ռուսական ռազմական ոստիկանության և Սիրիայի սահմանապահ ծառայության ստորաբաժանումներ: Դրանք օժանդակելու են քրդական զինված ջոկատները սիրիա-թուրքական սահմանից 30 կիլոմետր հետքաշելուն, ինչը պետք է ավարտվի 150 ժամվա ընթացքում: Դրանից հետո կսկսվի սահմանից 10 կիլոմետր խորությամբ ռուս-թուրքական համատեղ պարեկումը «Խաղաղության ակունք» գործողության շրջանից արևմուտք և արևելք, բացի Ղամիշլի քաղաքից:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 14%
Քամի՝ 3,09 կմ/ժ
29 C°
 
32°  19° 
07.07.2022
33°  20° 
08.07.2022
Հարցում

Կկարողանա՞ն արդյոք Ռուսաստանն ու Ուկրաինան մոտ ապագայում ճանապարհ հարթել դեպի խաղաղություն: