ԵՐԵՎԱՆ 5 C°
ՀՀ ԿԲ -
  • USD - 395.05 դրամ -0,24 EUR - 411.29 դրամ -0,05 RUB - 6.53 դրամ -0,02 GBP - 478.17 դրամ -0,53
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Հայաստանի իշխանության կողմից Ղարաբաղյան կարգավորման հարցում իր որոշ մոտեցումները վերանայելու անհրաժեշտություն կա

ԵԱՀԿ Մինսկի խմբի համանախագահների կոչը Ղարաբաղյան հակամարտության կողմերին վերահաստատելու իրենց հավատարմությունը հրադադարը խստորեն պահպանելու հանձնառությանը և ձեռնպահ մնալու ցանկացած սադրիչ գործողություններից, որոնք կարող են էլ ավելի մեծացնել լարվածությունը, առավել քան տեղին է՝ հաշվի առնելով վերջին շրջանում հայ-ադրբեջանական սահմանին Ադրբեջանի կողմից սրացումները:

Ավելին, այժմ երբ աշխարհի, այդ թվում նաև Հայաստանի  ուշադրությունը կենտրոնացած է կորոնավիրուսի դեմ պայքարի վրա, Ադրբեջանի կողմից նոր սադրանքները չեն բացառվում: Աշխարհում կորոնավիրուսով պայմանավորված ճգնաժամային իրավիճակում անգամ Ադրբեջանը չի հրաժարվում Ղարաբաղյան կարգավորման հարցում իր ապակառուցողական կեցվածքից: Մարտի 19-ին՝ համանախագահների կողմից այս հայտարարությունը տարածելու նույն օրը, Ադրբեջանի նախագահը Նովրուզի կապակցությամբ իր ուղերձում կրկին հայտարարեց, որ «Արցախն Ադրբեջան և բացականչական նշան»՝ պնդելով, որ Մյունխենի անվտանգության համաժողովի ժամանակ «ջախջախիչ հարված է հասցրել Հայաստանին»:

Ստեղծված իրավիճակում Ալիևի նման պահվածքը և հայտարարությունները ևս մեկ անգամ ցույց են տալիս ոչ միայն Ադրբեջանի համար մարդասիրական արժեքներն այդքան էլ կարևոր չլինելը, այլև Հայաստանի իշխանության կողմից Ղարաբաղյան կարգավորման հարցում իր որոշ մոտեցումները վերանայելու անհրաժեշտությունը:

Մասնավորապես, պետք է դադարել կրկնել, թե Արցախյան հակամարտության կարգավորումը պետք է ընդունելի լինի Հայաստանի, Արցախի և Ադրբեջանի ժողովուրդների համար, երբ Ալիևը հայտարարում է «Արցախն Ադրբեջան և բացականչական նշան»: Միևնույն ժամանակ հասարակություններին խաղաղության նախապատրասելը հակամարտության կողմերի մոտ պետք է համաչափ բնույթ կրի: Միանշանակ է, որ Ալիևի այս ուղերձը, ինչպես նաև դրան նախորդածները, հասարակությանը խաղաղության պատրաստելու հետ կապ չունեն:

Հայաստանի իշխանությունը կարիք ունի Ղարաբաղյան կարգավորման գործընթացին և այդ համատեքստում Ադրբեջանի պահվածքին տալու ադեկվատ գնահատականը: Որևէ կերպ ընկալելի չէ, երբ Ադրբեջանի նախագահը Մյունխենյան քննարկումը որակում է որպես «ջախջախիչ հարված Հայաստանին», Իսկ Հայաստանի ղեկավարը նույն այդ քննարկումը որակում է որպես շրջադարձային:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 70%
Քամի՝ 0 կմ/ժ
5 C°
 
11°   
28.11.2022
12°   
29.11.2022
Հարցում

Ի՞նչ եք կարծում՝ կստորագրվի արդյոք խաղաղության պայմանագիր մինչև 2022 թվականի ավարտը։