ԵՐԵՎԱՆ 26 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 885,82 դրամ ԱՐԾԱԹ - 284,72 դրամ ՊԼԱՏԻՆ - 12 898,69 դրամ

Վիրահայոց թեմը Սբ Զատկի արարողությունները փոփոխված ձևաչափով կանցկացնի

Հայ Առաքելական Ուղղափառ Սուրբ Եկեղեցին Հրաշափառ Հարության տոնը նշում է ապրիլի 12-ին:

Վիրահայոց թեմում հայտարարում են, որ երկրում գործող արտակարգ դրությունից ելնելով, տոնական արարողությունները կանցկացվեն փոփոխված ձևաչափով: Հավատացյալները կկարողանան, պատարագը լսել եկեղեցու բակում՝ բարձրախոսների միջոցով, որտեղ կկանգնեն հեռավորություն պաշտպանելով: Պատարագը կհեռարձակվի առցանց, որպեսզի հավատացյալները տանից կարողանան մասնակցել տոնական միջոցառումներին, փոխանցում է 1tv.ge կայքը:

Զատիկից մեկ շաբաթ առաջ, ապրիլի 5-ին, Ծաղկազարդի տոնի պատարագը 11:00-ին կանցկացվի Թբիլիսիի Սուրբ Գևորգ առաջնորդանիստ տաճարում և Հավլաբարի Սուրբ Էջմիածին եկեղեցում: Ինչպես հայտարարում են Վիրահայոց թեմում, երիտասարդ կամավորները կվերահսկեն, որպեսզի պաշտպանված լինեն արտակարգ դրության շրջանակներում հայտարարված սահմանափակումները: Նշված կարգը կգործի նաև շաբաթ երեկոյան, Ճրագալույցի պատարագի ժամանակ, ժամը 17:30-ից մինչև 20:00-ն:

Հարության տոնի պատարագները, ապրիլի 12-ին, կանցկացվեն երկու եկեղեցիներում, կսկսվեն 10:30-ին և կավարտվեն Հրաշափառ Հարության տոնի շնորհավորանքով:

«Ինչ վերաբերում է խոստովանության և հաղորդության կարգին, Հայ Առաքելական Սուրբ Եկեղեցու կանոններով, գոյություն ունի խոստովանություն և հաղորդություն ստանալու ինչպես ընդհանուր, այնպես էլ՝ անհատական կարգ: Տանը գտնվող տարեց և հիվանդ մարդիկ, հեռախոսի միջոցով, նախապես կկարողանան հոգևորականին հրավիրել տուն և ստանալ հաղորդություն»,- հայտարարում են Վիրահայոց թեմում:

Նրանց փոխանցմամբ, Ծաղկազարդի տոնի առթիվ, ապրիլի 5-ից մինչև ապրիլի 12-ը ներառյալ, հավատացյալները ուռենու ճյուղերը կկարողանան տանել եկեղեցի, իսկ քահանաները կօրհնեն դրանք:

Վիրահայոց թեմի Թբիլիսիում գործող երկու եկեղեցիները բաց են ամեն օր, առավոտյան 08:30-ից մինչև երեկոյան 18:00-ն: Եկեղեցում ժամանակավորապես թույլատրելի է միայն երեք հավատացյալի ներկայություն:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 40%
Քամի՝ 6 կմ/ժ
26 C°
 
20°  30° 
10.07.2020
18°  28° 
11.07.2020
Հարցում

Համարո՞ւմ եք արդյոք Գագիկ Ծառուկյանի դեմ իրականացվող գործողությունները քաղաքական հետապնդում: