ԵՐԵՎԱՆ 22 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 845,76 դրամ ԱՐԾԱԹ - 273,16 դրամ ՊԼԱՏԻՆ - 12 811,8 դրամ

Մամեդյարովի հարցազրույցը հանրային դժգոհությունը մեղմելու փորձ էր

Ադրբեջանի արտաքին գործերի նախարարը հանդես է եկել հարցազրույցով, որում արձագանքել է Արցախյան հակամարտության կարգավորման բանակցային գործընթացի վերաբերալ վերջին օրերին Ռուսաստանի և Հայաստանի ԱԳՆ-երից հնչող հայտարարություններին: Իր երկրի ներսում խիստ քննադատության ենթարկվելող Էլմար Մամեդյարովի համար սա փորձ է արդարանալու և պատասխանելու իր հասցեին հնչող դժգոհությանն ու մեղադրանքներին: Դրան են ծառայում նրա կողմից կիրառվող մի շարք մանիպուլյացիաներն ու իրողությունների այլասերված ներկայացումը:

Մասնավորապես, Ադրբեջանի արտգործնախարարն այնպես է ներկայացնում բանակցային գործընթացում ներկայումս տեղի ունեցողը՝ կարծես թե միջնորդներն առաջարկում են հենց այն, ինչին այսքան տարի ձգտել է Բաքուն: Ոչ մեկի համար նորություն չէ, որ վերջին երկու տարիների ընթացքում Հայաստանի իշխանությունների կողմից բազմաթիվ թերացումներ և բացթողումներ են եղել բանակցային գործընթացում, սակայն, միևնույն է, հայտարարելը, որ հայկական կողմը փակուղում է հայտնվել բանակցային գործընթացում և փորձում է տապալել բանակցությունները՝ փակուղուց դուրս գալու համար, առավել քան մանիպուլյացի է:

Բանակցային գործընթացին, միջնորդների և կողմերի հայտարարություններին հետևող ցանկացած մարդու համար ակնհայտ է, որ դա այդպես չի և երբևէ չի եղել: Ադրբեջանը հերթական անգամ գործընթացի նկատմամբ ցուցաբերում է ընտրողական մոտեցում՝ խոսելով կարգավորման միայն այն դրույթների մասին և այն հերթականությամբ, որը բխում է Ադրբեջանի շահերից և նկրտումներից: Այդպես եղել է միշտ. տարիներ շարունակ Ադրբեջանի իշխանությունն իր հասարակությունից գաղտնի է պահել արդեն իսկ մասնակիորեն գաղտնազերծված «մադրիդյան սկզբունքները», երբև չի խոսել Արցախի միջանկյալ կարգավիճակի, ազատ կամարտահայտմամբ Արցախի կարգավիճակի լուծման դրույթների  մասին:

Այսօր էլ Մամեդյարովն անդրադառնում է փուլային տարբերակի անընդունելիության վերաբերյալ ՀՀ ԱԳՆ հայտարարություններին՝ դրանք որակելով որպես ներքին լսարանին հանգստացնելու փորձ: Մինչդեռ նույն Բաքուն է միշտ օգտագործել Հայաստանին թշնամու կերպարում ներկայացնելն ու Արցախյան հակամարտությունը՝ հանրության ուշադրությունը ներքին խնդիրներից շեղելու և հանրային դժգոհությունը զսպելու համար:

Բաքվում պարզապես պետք է գիտակցեն, որ անկախ իշխանություններից և բանակցային սեղանի շուրջ տեղի ունեցող քննարկումներից, Հայաստանն ու Արցախը, հայ ժողովուրդը երբևէ տեղի չի տալու Ադրբեջանի առավելապաշտությանն, ու հակամարտությունը չի ունենալու բացառապես Ադրբեջանի շահերից բխող լուծում: Բանակցային կարգավորումը հնարավոր կլինի միայն պաշտոնական Բաքվի՝ առավելապաշտական նկարտումներից հրաժարվելու և սեփական հանրությանն իսկապես խաղաղության պատրաստելու և ոչ թե հայատյացություն քարոզելու և ապատեղեկատվությամբ կուրացնելու դեպքում:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Անձրև
Խոնավություն՝ 44%
Քամի՝ 11 կմ/ժ
22 C°
 
17°  27° 
03.06.2020
15°  28° 
04.06.2020
Հարցում

Բավարարվա՞ծ եք ՄԻԵԴ որոշումով՝ կապված Գուրգեն Մարգարյանին սպանողին հերոսացնելու գործի հետ: