ԵՐԵՎԱՆ -10 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 31,037.91 դրամ ԱՐԾԱԹ - 431.12 դրամ ՊԼԱՏԻՆ - 18,818.43 դրամ

Մեծ Բրիտանիան ԵՄ-ից դուրս գալուց հետո առաջին պատժամիջոցներն է կիրառել ռուսաստանցիների դեմ

Մեծ Բրիտանիան առաջին պատժամիջոցներն է կիրառել ռուսաստանցիների դեմ սեփական «Մագնիտսկու ակտի» շրջանակներում: Սև ցուցակում հայտնվել են նրանք, ում Լոնդոնը մասնակից է համարում մարդու իրավունքների ոտնահարմանը: Այժմ նրանց արգելվելու է մուտք գործել երկիր, և նրանց ակտիվներն այնտեղ սառեցվելու են, հայտնում է Forbes-ը:

Մեծ Բրիտանիայի արտաքին գործերի նախարարությունը հայտարարել է մի շարք երկրների քաղաքացիների, այդ թվում նաև Ռուսաստանի քաղաքացիների նկատմամբ նոր պատժամիջոցների մասին՝ մարդու իրավունքների ենթադրյալ խախտումների համար: Սահմանափակումները մտցվել են այսպես կոչված «Մագնիտսկու օրենքի» բրիտանական վարկածի շրջանակներում, որն ընդունվել էր ԱՄՆ-ում 2012 թվականին: Այն անվանվել է Hermitage Capital ներդրումային հիմնադրամի աուդիտոր Սերգեյ Մագնիտսկու անունով, ով մահացել է 2009-ին՝ կալանքի տակ գտնվելու ընթացքում:

Պատժամիջոցներն անմիջապես ուժի մեջ են մտնում: Պատժամիջոցների տակ հայտնվածներին արգելվելու է մուտք գործել Մեծ Բրիտանիա, իսկ նրանց ակտիվները երկրում  սառեցվելու են: «Մագնիտսկու օրենքը» տարածվում է ոչ միայն ռուսների, այլև այլ երկրների քաղաքացիների վրա: Այդպես, ցանկում ներառվել են Սաուդյան Արաբիայի այն քաղաքացիները, ում Լոնդոնը ներգրավված է համարում սաուդցի լրագրող Ջամալ Հաշագջիի սպանությանը։

Բացի այդ, ցանկում ներառված են  Հյուսիսային Կորեայի պետական ​​անվտանգության նախարարությունը և սոցիալական ապահովության նախարարությունը:


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 54%
Քամի՝ 3 կմ/ժ
-10 C°
 
-11°  -2° 
24.01.2021
-8°   
25.01.2021
Հարցում

Աջակցու՞մ եք արդյոք Հայաստանում ազգային համաձայնության կառավարության ստեղծմանը: