ԵՐԵՎԱՆ 20 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 29 746,21 դրամ ԱՐԾԱԹ - 379,24 դրամ ՊԼԱՏԻՆ - 13 702,61 դրամ

Մակրոնը Լիբանանին շուտափույթ կառավարություն ձևավորելու կոչ է արել

Ֆրանսիայի նախագահ Էմանուել Մակրոնը կոչ է արել շուտափույթ նոր կառավարություն ձևավորել Լիբանանում, որի նպատակը պետք է լինի բարեփոխումների իրականացումը: Այս մասին Ֆրանսիայի ղեկավարը լրագրողներին ասել է չորեքշաբթի երեկոյան` Բեյրութ ժամանելուց հետո, հաղորդում է ՏԱՍՍ-ը:

«Ակնհայտ է, որ իմ այցի նպատակներից մեկը քաղաքական իրավիճակի գնահատումն է»,- ասել է Մակրոնը: «Ես տեսա, որ վերջին ժամերին սկսվեց մի գործընթաց, որը թույլ տվեց վարչապետ նշանակել»: Ֆրանսիայի նախագահը շեշտել է, որ «բարեփոխումներ իրականացնելու կոնկրետ խնդրով պետք է որքան հնարավոր է շուտ կառավարություն ձևավորվի»: Նա պարզաբանել է, որ «խոսքը, մասնավորապես, կոռուպցիայի դեմ պայքարի, ինչպես նաև արդարադատության ոլորտում բարեփոխումների մասին է»:

Մակրոնը հիշեցրել է, որ օգոստոսի 9-ին Ֆրանսիան, ՄԱԿ-ի աջակցությամբ, միջազգային կոնֆերանս էր կազմակերպել օգոստոսի սկզբին Լիբանանի մայրաքաղաքի նավահանգստում տեղի ունեցած պայթյունի կապակցությամբ Բեյրութին և լիբանանցիներին օգնելու վերաբերյալ: Դոնորների արտակարգ տեսակոնֆերանսի արդյունքում ավելի քան քառորդ միլիարդ եվրո է հավաքվել` մասնակից երկրների ֆինանսական պարտավորությունների տեսքով:

Երեքշաբթի օրը Մակրոնը բանակցություններ կվարի Լիբանանի նախագահ Միշել Աունի հետ, կմասնակցի Մեծ Լիբանանի հռչակման 100-ամյակի տոնակատարության արարողությանը Ֆրանսիայի մանդատի ներքո և կայցելի Բեյրութի` պայթյունից տուժած թաղամասեր:


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 50%
Քամի՝ 9 կմ/ժ
20 C°
 
16°  27° 
27.09.2020
15°  27° 
28.09.2020
Հարցում

Բավարարվա՞ծ եք Ամուլսարի հարցում Հայաստանի իշխանությունների դիրքորոշումից: