ԵՐԵՎԱՆ 15 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 30 158,9 դրամ ԱՐԾԱԹ - 385,64 դրամ ՊԼԱՏԻՆ - 13 772,99 դրամ

Ամալ Քլունին հրաժարվել է պատվավոր պաշտոնից՝ վիճահարույց օրինագծի պատճառով

Բրիտանացի իրավապաշտպան Ամալ Քլունին հրաժարվել է մամուլի ազատության հարցերով Մեծ Բրիտանիայի հատուկ ներկայացուցչի պաշտոնից: Հոլիվուդյան դերասան Ջորջ Քլունիի կինը արտաքին գործերի նախարար Դոմինիկ Ռաաբին ուղարկած հրաժարականի նամակում պարզաբանում է, որ իր որոշումը կապված է վիճահարույց օրինագիծ ընդունելու բրիտանական կառավարության մտադրության հետ, որը խախտում է Brexit-ի համաձայնագրի պայմանները:

«Ինձ սարսափեցրեց այն լուրը, որ կառավարությունը մտադիր է ընդունել ներքին շուկայի մասին օրինագիծ, որը «խախտում է միջազգային իրավունքը»՝ հենց կառավարության խոստովանության համաձայն»,- ասում է Քլունին Իրավաբանների միջազգային ասոցիացիայի կողմից շրջանառվող նամակում: Իրավապաշտպանը նշել է, որ այլևս չի կարող «այլ պետություններին կոչ անել հարգել և կատարել միջազգային պարտավորությունները, երբ Միացյալ Թագավորությունը հայտարարում է, որ ինքը դա չի անի»:

Brexit-ի վերաբերյալ երկկողմ համաձայնագրերի դրույթները շրջանցելու բրիտանական ղեկավարության մտադրությունը կտրուկ արձագանք է առաջացրել Բրյուսելի և Վաշինգտոնի, Շոտլանդիայի և Ուելսի ղեկավարության, ինչպես նաև Մեծ Բրիտանիայում իշխող Պահպանողական կուսակցության շատ անդամների կողմից:

Քննադատներն առաջին հերթին նշում են հեղինակության այն վնասը, որը երկիրը կրելու է խախտելով ընդամենը մեկ տարի առաջ ԵՄ-ի հետ կնքված համաձայնագիրը: Անգլիայի և Ուելսի փաստաբանների խորհուրդը նախազգուշացրել է, որ «խախտելով օրենքի գերակայությունը սկզբունքը»՝ թագավորության իշխանությունները վտանգի տակ են դնում բրիտանական դատական համակարգի նկատմամբ մարդկանց վստահությունը:

Օրինագիծը նախատեսված է կարգավորել Միացյալ Թագավորության բաղկացուցիչ մասերի միջև առևտրային կապերը 2020թ․ դեկտեմբերի 31-ի Brexit-ի անցումային շրջանի ավարտից հետո: Այն նաև ծառայում է որպես ապահովագրություն՝ ԵՄ-ի հետ առևտրային բանակցությունների ձախողման և Brexit-ի գործարքի պայմանները արմատապես մեկնաբանելու Բրյուսելի փորձերի դեպքում՝ եթե խոչընդոտներ ստեղծվեն Մեծ Բրիտանիայից Հյուսիսային Իռլանդիա ապրանքների տեղափոխման համար: Վարչապետ Բորիս Ջոնսոնը և նրա համախոհները ասում են, որ կառավարությունը ձգտում է ԵՄ-ի հետ առևտրային գործարք կնքել և չի ցանկանում խախտել միջազգային օրենսդրությունը: Միևնույն ժամանակ, նրանք պնդում են, որ Բրյուսելն անբարեխիղճ է գործում՝ ակնկալելով, որ թագավորությունը նույնիսկ Brexit-ից հետո հետևելու է ԵՄ կանոններին և ուղենիշներին: Կառավարության ղեկավարի խոսքով, ներկայացված օրինագծի հաստատումը «կենսական նշանակություն ունի» «Միացյալ Թագավորության տնտեսական և քաղաքական ամբողջականությունը երաշխավորելու համար»:


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 47%
Քամի՝ 5 կմ/ժ
15 C°
 
10°  20° 
21.10.2020
  19° 
22.10.2020
Հարցում

Կճանաչվի՞ արդյոք մոտ ապագայում Արցախի անկախությունը: