ԵՐԵՎԱՆ 5 C°
ՀՀ ԿԲ -
  • USD - 395.05 դրամ -0,24 EUR - 411.29 դրամ -0,05 RUB - 6.53 դրամ -0,02 GBP - 478.17 դրամ -0,53
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ՄԱԿ-ում Փաշինյանի ելույթով պետք է սպառիչ պատասխան տրվի Ալիևի մեղադրանքներին

Սեպտեմբերի 25-ին ՄԱԿ-ի Գլխավոր Ասամբլեայի 75-րդ նստաշրջանի ընդհանուր քննարկումների ժամանակ սպասվում է Հայաստանի վարչապետ Նիկոլ Փաշինյանի ելույթը:

Հայաստանը պետք է ՄԱԿ-ի այս բարձր ամբիոնն օգտագործի միջազգային հանրությանը ցույց տալու, որ վերջին օրերին Բաքվի կողմից Հայաստանին ուղղված մեղադրանքները որևէ աղերս չունեն իրականության հետ և Բաքուն հնարավոր բոլոր հարթակներով այդ միֆերը և կեղծ թեզերը տարածում է առաջիկայում իր հնարավոր հերթական ագրեսիայի պատասխանատվությունը Հայաստանի վրա դնելու համար:

Նկատենք, որ Ադրբեջանի այս հետևողական քաղաքականության կապակցությամբ Հայաստանի իշխանությունները որդեգրել էին «չտեսնելու և չլսելու» ձեռագիր՝ Ադրբեջանի այս հակահայկական ապատեղեկատվություն պարունակող ելույթներն ընդամենը որակելով որպես հուզական: Նման մոտեցումը բավականին ռիսկային է. Ադրբեջանը հնարավորություն է ստանում առանց որևէ խոչընդոտի միջազգային հանրության մոտ իր մոտեցումները դարձնել ընդունելի և ընկալելի, ինչն արդյունքում կարող է ազդել կարգավորման գործընթացի վրա, իսկ ռազմական գործողությունների հնարավոր վերսկսման դեպքում էական նշանակություն ունենալ այս կապակցությամբ միջազգային հանրության մոտեցումների և իրականացվող քայլերի համար:

Այսօր պաշտոնական Երևանը որոշեց, այնուամենայնիվ, ուշադրություն դարձնել Բաքվի հայտարարություններին: Մասնավորապես, արտաքին գործերի նախարարությունում հիշեցին Ալիևի բռնապետ լինելու մասին, իսկ վարչապետը փորձեց հնարավորինս կառուցողական երևալ:

Սակայն պետք է նկատել, որ առավել ևս ներկա պայմաններում կեղծ կառուցողականությունն առանձնապես չի նպաստում Հայաստանի և Արցախի շահերի առաջմղմանը, իսկ չհաշվարկված հայտարարությունները կարող են ավելի լուրջ ազդեցություն ունենալ կարգավորման գործընթացի վրա, քան նախկինում:

Մենք այսօր պետք է միջազգային հանրությանը հիմնավոր կերպով ներկայացնենք կարգավորման գործընթացի վերաբերյալ մեր դիրքորոշումը՝ այդ թվում նաև հուլիսին Տավուշում ադրբեջանական ագրեսիայից հետո տեղ գտած միանգամայն հիմնավոր կոշտացումներով:

Նշենք, որ Բաքուն իր հակահայկական քարոզչությունը միջազգային հանրությանը հասցնելու հարցում բավականին լուրջ օգնություն է ստանում Թուրքիայից: Վերջին օրերին գրեթե ամենօրյա կտրվածքով ադրբեջանական քարոզչական թեզերը միջազգային հանրությանը ներկայացնում են նաև Թուրքիայի բարձրաստիճան պաշտոնյաները: Նիկոլ Փաշինյանի ելույթում տարածաշրջանն ապակայունացնող Թուրքիայի այս կեցվածքի վրա ևս պետք է հրավիրել միջազգային հանրության ուշադրությունը, ինչը նույնպես պատշաճ չի իրականացվել վերջին օրերին:


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 65%
Քամի՝ 2,06 կմ/ժ
6 C°
 
11°   
28.11.2022
12°   
29.11.2022
Հարցում

Ի՞նչ եք կարծում՝ կստորագրվի արդյոք խաղաղության պայմանագիր մինչև 2022 թվականի ավարտը։