ԵՐԵՎԱՆ 3 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 30 049,87 դրամ ԱՐԾԱԹ - 387,97 դրամ ՊԼԱՏԻՆ - 15 272,88 դրամ

«Վրացական երազանք» կուսակցության թեկնածուները հաղթել են բոլոր 17 միամանդատ ընտրատարածքներում

Վրաստանի իշխող «Վրացական երազանք» կուսակցության թեկնածուները խորհրդարանական ընտրությունների երկրորդ փուլում հաղթել են բոլոր 17 միամանդատ ընտրատարածքներում: Այս մասին տեղեկացնում է «ՌԻԱ Նովոստի» գործակալությունը՝ վկայակոչելով ԿԸՀ-ի նախնական տվյալները:

Վրաստանում նոյեմբերի 21-ին երկրի 17 միամանդատ ընտրատարածքներում տեղի է ունեցել խորհրդարանական ընտրությունների երկրորդ փուլը: Ընտրություններն անցել են նոր խառը համակարգով, ըստ որի՝ 150 պատգամավորներից 120-ն ընտրվում են համամասնական ընտրակարգով, իսկ մնացած 30-ը ՝ մեծամասնականով:

Հոկտեմբերի 21-ին կայացած ընտրությունների առաջին փուլի արդյունքներով իշխող «Վրացական երազանք» կուսակցությունը համամասնական ընտրակարգով ստացել է ձայների 48,22% -ը, ինչպես նաև հաղթել է 13 միամանդատ ընտրատարածքներում, որտեղ նրա թեկնածուները հավաքել են ձայների 50%-ից ավելին:

Խորհրդարան են անցել նաև 9 քաղաքական կուսակցություն և դաշինք: Միևնույն ժամանակ, բոլոր ընդդիմադիր կուսակցությունները որոշել են չճանաչել արդյունքները և հրաժարվում են համամասնական ցուցակներից ստացված բոլոր պատգամավորական մանդատներից, ինչպես նաև բոյկոտում են ընտրությունների երկրորդ փուլը:

այլ նյութեր այս թեմայով


Եղանակ
Երևան
Ամպամած
Խոնավություն՝ 52%
Քամի՝ 4 կմ/ժ
3 C°
 
   
30.11.2020
   
01.12.2020
Հարցում

Կճանաչվի՞ արդյոք մոտ ապագայում Արցախի անկախությունը: