Եվրամիության «Տեղական դերակատարների զորեղացում հանուն զարգացման» ծրագրի նպատակն է բարելավել համայնքների, մասնավորապես խոցելի խմբերի կենսամակարդակը: Այս մասին մարտի 12-ին նախագծի քննարկման ժամանակ ասաց Հայաստանում ԵՄ պատվիրակության ղեկավար Անդրեա Վիկտորինը:
Նա նշեց ծրագրի կարեւորությունը՝ հատկապես հաշվի առնելով Հայաստան-ԵՄ Համապարփակ եւ ընդլայնված գործընկերության համաձայնագրի (SEPA) ուժի մեջ մտնելը, որի շրջանակում հնարավոր կլինի շարունակել համագործակցությունը ժողովրդավարության զարգացման, նոր աշխատատեղերի ստեղծման, կրթության, «կանաչ էկոլոգիայի», գենդերային հավասարության հաստատման համար եւ այլն:
«ԵՄ-ն աջակցություն է ցուցաբերել կորոնավիրուսի համաճարակի հետեւանքների դեմ պայքարի շրջանակում, ինչպես նաեւ մարդասիրական օգնություն է ներգրավել Լեռնային Ղարաբաղում եւ հարակից տարածքներում հակամարտությունից տուժած մարդկանց: Եվրամիության ուշադրության կենտրոնում է նաեւ Հայաստանի մարզերի զարգացումը, աջակցություն է ցուցաբերվում, մասնավորապես, Լոռու, Շիրակի, Տավուշի մարզերին: Մենք նաեւ երկրի հարավային շրջանների, մասնավորապես՝ Սյունիքի մարզի աջակցությունն ընդլայնելու անհրաժեշտություն ենք տեսնուն: Համապատասխան քննարկումներ են ընթանում Հայաստանի կառավարության հետ»,-հավելեց Վիկտորինը:
Իր հերթին, ՀՀ էկնոմիկայի նախարարը կարեւորեց ԵՄ-ի հետ համագործակցությամբ գյուղական տեղանքի զարգացման հնարավորությունների ընդլայնումը («Տեղական դերակատարների զորեղացում հանուն զարգացման» ծրագրի շրջանակում)՝ նոր աշխատատեղեր ստեղծելու նպատակով, ընդ որում, ոչ միայն գյուղատնտեսության ոլորտում:
ՀՀ տարածքային կառավարման եւ ենթակառուցվածքների նախարարի առաջին տեղակալ Վաչե Տերտերյանն ընդգծեց Հայաստան միգրանտների վերադարձի նման կարեւոր բաղադրիչի ներառման արդիականությունը:
