Կիպրոսում այգի է տնկվել արցախյան պատերազմում զոհված հայերի հիշատակին

• 11.04.2021, 12:03
•  Եվրոպա,  Աշխարհ,  Հայաստան,  ԼՂՀ,  Սփյուռք

Արցախի դեմ Թուրքիայի հովանավորությամբ Ադրբեջանի սանձազերծած պատերազմի հետևանքով զոհված հայերի հիշատակին Կիպրոսում փոքր այգի է տնկվել: Ինչպես փոխանցում է «Արմենպրես»-ը, այս մասին հայտնում է Greek City Times-ը:

Նախաձեռնության հեղինակները կիպրական «Սոլիդարություն շարժում» կուսակցության անդամներն են՝   կուսակցության ղեկավար Էլենի Թեոխարիուսի գլխավորությամբ, ինչպես նաև Ստրովոլոսի քաղաքապետ Անդրեաս Պապաչարալամբուսը: Այգում ծառերի տնկմանը մասնակցել են նաև Կիպրոսի հայկական համայնքի անդամները:

Արարողության մասին Եվրախորհրդարանի նախկին պատգամավոր  Թեոխարիուսը հայերեն գրառում է կատարել թվիթերյան իր միկրոբլոգում:

Այսօր 9/4/21, Ալիլենկիի Շարժումին, Սթրովոլոսի Քաղաքապետին եւ Կիպրոսի Հայ համայնքի ներկայացուցիչներու հետ, ծառեր տնկեցինք ի յիշատակ Հայ հերոսներուն որոնք նահատակուեցան Արցախի պայքարի ճամբուն վրայ։
Վալերիոս Տանիիլիտիս pic.twitter.com/FcY9K8HWyw

— ELENI THEOCHAROUS (@THEOCHAROUSE) April 9, 2021