ԵՐԵՎԱՆ 5 C°
ՀՀ ԿԲ -
  • USD - 395 դրամ -0,2 EUR - 416 դրամ -0,07 RUB - 6 դրամ -0,39 GBP - 485 դրամ -0,11
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Նորվեգիան հրաժարվել է AstraZeneca պատվաստանյութից

COVID-19-ի դեմ բրիտանա-շվեդական AstraZeneca ընկերության պատվաստանյութը չի օգտագործվի Նորվեգիայի բնակչությանը կորոնավիրուսի դեմ պատվաստելու ծրագրում: Այդ մասին հայտնել է վարչապետ Էռնա Սուլբերգը:

«AstraZeneca պատվաստանյութը լիովին բացառվել է պատվաստումների ծրագրից»,-նշել է նա: Վարչապետը պարզաբանել է, որ ամերիկյան Johnson & Johnson (J&J) ընկերության Janssen պատվաստանյութի նկատմամբ առանձին որոշում կընդունվի: 

Նորվեգիան չի սկսել օգտագործել Janssen պատվաստանյութը, որը հաստատվել է ԵՄ-ում և թագավորությունում մարտի 11-ին: Որոշումը հիմնավորվել է նրանով, որ հնարավոր կողմնակի ազդեցությունները՝ թրոմբոզների առաջացումը, պահանջում են հետագա ուսումնասիրություններ: AstraZeneca պատվաստանյութի օգտագործումը դադարեցվել է Նորվեգիայում նույն օրը՝ մարտի 11-ին, երբ հայտարարվել էր պատվաստված մարդկանց շրջանում թրոմբոզների առաջացման և արյան մակարդելիության խանգարումների մասին:

Ինչպես հայտնել է վարչապետը, 18-24 տարեկան երիտասարդներին կառաջարկվի պատվաստվել ավելի վաղ, քան ենթադրվում էր: Դա կապված է հանգամանքի հետ, որ երիտասարդությունը մեծամասամբ նպաստում է վարակի տարածմանը և որ Նորվեգիայում այդ խմբի շրջանում է գրանցվել վարակվածների մեծամասնությունը: Ամենավերջում կպատվաստվեն 25-39 տարեկան քաղաքացիները:

Կառավարությունը նախատեսում է, որ 18 տարեկանից բարձր բոլոր քաղաքացիներին կառաջարկվի պատվաստվել հուլիսի վերջում կամ օգոստոսի սկզբում: Ներկայում շուրջ 1,5 միլիոն նորվեգացի ստացել է պատվաստանյութի առաջին դեղաչափը, շուրջ 500 հազար մարդ պատվաստվել է ամբողջովին:


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 70%
Քամի՝ 1,03 կմ/ժ
5 C°
 
   
05.12.2022
   
06.12.2022
Հարցում

Ի՞նչ եք կարծում՝ կստորագրվի արդյոք խաղաղության պայմանագիր մինչև 2022 թվականի ավարտը։