Պարտության սիմվոլ վարչապետի պաշտոնակատարը կամ չի հասկանում ինչ է խոսում դաշնակիցների հետ, կամ ուղղակի չի ուզում հասկանալ. Վանեցյան

• 03.06.2021, 23:01
•  Աշխարհ,  Հայաստան

Համոզված եմ, որ ես իշխանության գալու պարագայում ունակ եմ աշխատեցնել Ռուսաստանի մեր դաշնակցային պարտավորությունները, «Առաջին ալիք»-ի եթերում հայտարարել է ԱԱԾ նախկին տնօրեն, «Հայրենիք» կուսակցության նախագահ, «Պատիվ ունեմ» դաշինքի վարչապետի թեկնածու Արթուր Վանեցյանը, փոխանցում է Այսօր-ը: 

«Դա միանշանակ է, որևէ կասկած թող ոչ մեկ չունենա»,-ասել է նա։

Վանեցյանն ընդգծել է՝ պարտության սիմվոլ վարչապետի պաշտոնակատարը կամ չի հասկանում ինչ է խոսում դաշնակիցների հետ, կամ ուղղակի չի  ուզում հասկանալ։

«Մարդ, ում գոյությունը մեր երկրի ղեկին բերում է անդադար պարտություններ, չի կարող ներկայացնել Հայաստանի Հանրապետության շահերը»,-ասել է ԱԱԾ նախկին տնօրենը։

Նա հիշեցրել է իր բանաձևումը՝ «Նիկոլ նշանակում է նոր պատերազմ, Նիկոլ նշանակում է նոր գերիներ, Նիկոլ նշանակում է նոր զոհեր»։

«Նիկոլ Փաշինյանի վերընտրումը Հայաստանի կործանման վերջն է»,-ասել է «Պատիվ ունեմ» դաշինքի վարչապետի թեկնածուն։

Վանեցյանը վստահեցրել է՝ իրենք պատերազմ չեն բերելու։