ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Արամ Վարդևանյանը մանրամասներ հայտնեց ՍԴ ներկայացված դիմումի վերաբերյալ

«Հայաստան» դաշինքի ներկայացուցիչ Արամ Վարդևանյանը մանրամասներ հայտնեց Սահմանադրական դատարան ներկայացրած դիմումի վերաբերյալ, որով վիճարկվում է  հունիսի 20-ին կայացած արտահերթ խորհրդարանական ընտրությունների արդյունքները: Ինչպես տեղեկացնում է «Արմենպրես»-ը, մամուլի ասուլիսի ժամանակ Վարդևանյանն ասաց, որ «Հայաստան» դաշինքը մուտքագրել է դիմում Սահմանադրական դատարան` Կենտրոնական ընտրական հանձնաժողովի 2021 թվականի հունիսի 27-ի որոշման անվավեր ճանաչելու պահանջով:  

«Այսինքն` վիճարկել ենք ընտրությունների արդյունքների վերաբերյալ ընդունված որոշման սահմանադրականությունը, օրինականությունը և նաև փաստական հանգամանքները, որոնք կան:  Սահմանադրական դատարանը նշված դիմումը քննության առարկա է դարձնելու թե քանակական խախտումների մասով, թե որակական խախտումների մասով»,- նշեց Վարդևանյանը՝ հավելելով, որ դիմումի մեջ հիմնականում ներկայացված են մայիսի 10-ից տեղի ունեցած հնարավոր խախտումները:

Վարդևանյանը հայտնեց, որ դիմումում առկա է 12 կետից բաղկացած խնդիրների մանրամասն վերլուծություն, կից փաստաթղթեր և դրանց վերաբերյալ իրենց հիմնավորումները:

«Հայաստան» դաշինքի ներկայացուցիչը ընդգծեց, որ ՍԴ մասին նոր օրենքով ընտրությունների արդյունքների վիճարկման վերաբերյալ հարց առաջին անգամ է քննվելու, և Սահմանադրական դատարանի աշխատակազմը ևս չափազանց պատրաստակամ է և պատշաճ կերպով արձագանքում է բոլոր ուժերի հարցադրմանը:

«Հայաստան» դաշինքի ներկայացուցչը հայտնեց, որ բավականին ծավալուն դիմում են ներկայացրել ՍԴ:

«Ներկայացրել ենք մի շարք ապացույցներ կրիչի միջոցով` խոսքը տեսանյութերի մասին է, ներկայացրել ենք 109 ընտրական տեղամասերի վերաբերյալ արդյունքների մեր վերլուծությունը, որն, ըստ էության, վերաբերում է 88 հազար ձայնի, որոնցից 4 հազար ձայնի մասով տեսել ենք, որ ընտրատեղամասերում հրապարակված ցուցակներում չկան ստորագրություններ: Այսինքն` 88 հազար ձայնից 4 հազարը բացակայում է»,- նշեց Վարդևանյանը:

Եզրափակիչ իր խոսքում Վարդևանյանը նշեց, որ բավականին հետաքրքիր քննություն կունենան Սահմանադրական դատարանում:

 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 25%
    Քամի՝ 2,06 կմ/ժ
    17 C°
     
    28°  15° 
    25.04.2024
    29°  17° 
    26.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: