ԵՐԵՎԱՆ
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 28 309,09 դրամ ԱՐԾԱԹ - 358,73 դրամ ՊԼԱՏԻՆ - 14 810,34 դրամ

Ուկրաինական պատվիրակությունը Հայաստան կայցելի նոյեմբերի 15-16-ին

Ուկրաինայի քաղաքական և հասարակական գործիչների ներկայացուցչական պատվիրակությունը Հայաստան կայցելի նոյեմբերի 15-16-ին, այս մասին տեղեկացնում է AnalitikaUA.net-ը։

Համաձայն պարբերականի տեղեկատվության՝ ավելի քան 70 հյուրերի թվում կլինեն Ուկրաինայի մարզերի հայկական համայնքների ղեկավարները, ազդեցիկ քաղաքական գործիչներ, Ուկրաինայի խորհրդարանի պատգամավորներ, հայտնի քաղաքագետներ և մեդիա փորձագետներ, խոշոր լրատվամիջոցների լրագրողներ, հասարակական գործիչներ և մարզիկներ։

Այցի ընթացքում նախատեսվում են հանդիպումներ իշխանության ներկայացուցիչների հետ, Ուկրաինայի Հայերի միության կոնֆերանս, կլոր սեղաններ և քննարկումներ ուկրաինացի քաղաքական գործիչների և փորձագետների ու նրանց հայ գործընկերների մասնակցությամբ, ինչպես նաև մշակութային մի շարք միջոցառումներ, որոնց մեջ առանձնանում է սքեյթ-փարկի բացումը (Հայաստանի մայրաքաղաքին Ուկրաինայի Հայերի միության նվերը) և Ուկրաինայի հայերի միության սոցիալական նախագծի՝ էլեկտրամեքենաների լիցքակայանների ցանցի շնորհանդեսը։

«Մեր նպատակն է՝ նոր հզոր ազդակ հաղորդել Կիևի և Երևանի հարաբերություններին»,- այս մասին AnalitikaUA.net պարբերականին տված մեկնաբանության մեջ ասել է Ուկրաինայի Հայերի միության ղեկավար Վիլեն Շատվորյանը։

Պարբերականի համաձայն՝ սքեյթ փարքի բացման արարողության հյուրերի համար նախատեսվում է նաև ուկրաինացի և հայ աստղերի համերգ։


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ %
Քամի՝ կմ/ժ
0 C°
 
16°  27° 
03.12.2021
17°  30° 
04.12.2021
Հարցում

Ի՞նչ եք կարծում, կխորանա՞ արդյոք Իրանի և Ադրբեջանի միջև լարվածությունը: