ԵՐԵՎԱՆ 24 C°
ՀՀ ԿԲ -
  • USD - 407 դրամ -1,31 EUR - 423 դրամ -6,75 RUB - 7 դրամ -0,83 GBP - 492 դրամ -4,42
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Հայաստանում «Սպուտնիկ Լայթ» պատվաստանյութ է արտադրվելու և արտահանվելու այլ երկրներ

Հայաստանում արտադրվելու է «Սպուտնիկ Լայթ» պատվաստանյութը, որը նաև արտահանվելու է այլ երկրներ: Ռուսաստանի Գամալեյի անվան Համաճարակաբանության և մանրէաբանության ազգային գիտահետազոտական ​​կենտրոնի կողմից մշակված և մեկ բաղադրիչից բաղկացած այս պատվաստանյութը արտադրվելու է Liquor Pharmaceuticals դեղագործական ընկերության կողմից, հաղորդում է News.am-ը:

Ինչպես լրագրողների հետ զրույցում նշեց «Լիկվոր» ՓԲԸ-ի գլխավոր տնօրեն Սերգեյ Մաթևոսյանը, նախատեսվում է Հայաստանում ոչ թե պատվաստանյութի «շշալցում» իրականացնել, այլ լիարժեք արտադրություն. Ռուստաստանից ստացվող սուբստրատը վերամշակվելու է, առաջնային և երկրորդային փաթեթավորում ստանալու և սառնարանային պայմաններում պահպանվելու է:

Այս պատվաստանյութի արտադրությունը հնարավոր եղավ իրագործել էկոնոմիկայի նախարարության, առողջապահության նախարարության և ռուսական ուղղակի ներդրումների սուվերեն ֆոնդի հետ համագործակության շնորհիվ:

«Սա կարևոր հաջողություն էր թե մեր ընկերության համար, թե մեր երկրի համար», - ասաց Սերգեյ Մաթևոսյանը:

Նրա խոսքով, «Լիկվոր»-ը գործում է արդեն 30 տարի և ունի 3 GMP սերտիֆիկատ՝ ազգային, ԵվրԱզեսի և «Պիկես» միջազգային սերտիֆիկատ, ինչը թույլ է տալիս արտադրանքի 70 տոկոսը արտահանել Եվրազիայի, Կենտրոնական Ասիայի և Միջին Արևելքի երկրներ:

Ինչպես նշեց Մաթևոսյանը, կազմակերպությունը կարող է ընդամենը 3 աշխատանքային օրվա ընթացքում Հայաստանի այս պատվաստանյութի մեկ տարվա պահանջարկը ապահովել: Սակայն աշխատանքը հիմնականում միտված է լինելու արտահանմանը:

ՀՀ էկոնոմիկայի նախարար Վահան Քերոբյանը իր հերթին նշեց, որ այս պահի դրությամբ, մի շարք երկրների հետ բանակցություններ են գնում, սակայն արտահանման պայմանագրեր դեռ չկան:

ՀՀ առողջապահության նախարար Անահիտ Ավանեսյանը նշեց, որ պետությունը գնելու է Հայաստանում արտադրված «Սպուտնիկ Լայթ»-ը նույնպես, ինչպես գնում է բոլոր այլ պատվաստանյութերը, և դրանք քաղաքացիներին անվճար են տրամադրվելու: Այս պահի դրությամբ, «Սպուտնիկ Լայթ»-ը նախատեսվում է որպես խթանիչ պատվաստանյութ ներարկել՝ երկու դեղաչափ այլ պատվաստանյութ ստանալուց 6 ամիս անց:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 36%
Քամի՝ 4,63 կմ/ժ
25 C°
 
31°  20° 
02.07.2022
28°  17° 
03.07.2022
Հարցում

Կկարողանա՞ն արդյոք Ռուսաստանն ու Ուկրաինան մոտ ապագայում ճանապարհ հարթել դեպի խաղաղություն: